Պաշտպանության նախարար. «Ադրբեջանական բանակը լիովին պատրաստ է կանխել հակառակորդի ցանկացած սադրանք»

19 Սեպտեմբերի 2020 - 12:01

Սեպտեմբերի 19-ին պաշտպանության նախարար, գեներալ-գնդապետ Զաքիր Հասանովը ծառայողական խորհրդակցություն է անցկացրել՝ ադրբեջանական բանակի ղեկավար կազմի հետ:

Ինչպես Armenia.Az- ին հայտնել են Պաշտպանության նախարարությունում, սկզբում մեկ րոպե լռությամբ հարգվել է՝ ադրբեջանական ժողովրդի համազգային առաջնորդ Հեյդար Ալիևի և մեր երկրի տարածքային ամբողջականության համար զոհված շեհիդների հիշատակը:

Պաշտպանության նախարարը նշել է, որ ստացված վերջին տվյալները և լրատվամիջոցներում տարածված տեղեկատվությունները, ինչպես նաև Հայաստանի ռազմաքաղաքական ղեկավարության ելույթներում ռազմական հռետորաբանությունը, զորահավաքային գործունեության անցկացումը և արտաքին ուժերի ներգրավումը տարածաշրջան՝ հստակ վկայում են այն մասին, որ հակառակորդը մտադիր է լայնածավալ սադրանքներ իրականացնել, սրել իրավիճակը: Հաշվի առնելով այդ՝ մեր տրամադրության տակ եղած ուժերն ու միջոցները պետք է լիովին պատրաստ լինեն ոչ միայն ցանկացած սադրանք կանխելու, այլ նաև կանխարգելիչ խիստ միջոցներ ձեռնարկելու համար: Միևնույն ժամանակ, հատուկ ուշադրություն պետք է դարձնել հետախուզական գործունեությանը և մարտական ապահովմանը, ինչպես նաև կազմակերպված գործողություններ ձեռնարկել բոլոր ուղղություններով:

Անհրաժեշտ է ուժեղացնել վերահսկողությունը զորավարժությունների և վարժանքների որակի վրա, որոնք ուղղված են ադրբեջանական բանակի, մասնավորապես նրա առաջավոր ստորաբաժանումների մարտունակության և պրոֆեսիոնալիզմի մշտական բարձրացմանը, ինչպես նաև անձնակազմի մարտական պատրաստվածության մակարդակի բարձրացմանը և օկուպացված տարածքների ազատագրմանը:

Պաշտպանության նախարարը հանձնարարել է պաշտոնատար անձանց՝ հատուկ ուշադրություն դարձնել սպառազինության, ռազմական և հատուկ տեխնիկայի տեղափոխմանը՝ ադրբեջանական բանակում շահագործման ձմեռային ռեժիմի ժամանակ, ձմռան նախապատրաստման գործընթացի արդյունավետությանը և ժամանակին ավարտին, ստորաբաժանումների լիարժեք ապահովմանը, զինծառայողների առողջությանը, ինչպես նաև COVID-19 համավարակի դեմ պայքարի միջոցներին:

ARMENIA.AZ