Ադրբեջանի ԱԳՆ ղեկավար. Հայաստանի անպատասխանատու պահվածքի պատճառով բանակցային գործընթացը փակուղի է մտել

16 Սեպտեմբերի 2020 - 09:46

Արտաքին գործերի նախարար Ջեյհուն Բայրամովն ընդունել է՝ Ադրբեջանի Հանրապետությունում Ֆրանսիայի Հանրապետության արտակարգ և լիազոր դեսպան Զաքարի Գրոսին:

Ինչպես Armenia.Az-ին հայտնել են արտաքին գործերի նախարարությունում, նախարար Ջ.Բայրամովը նշել է, որ Ադրբեջանի և Ֆրանսիայի միջև հարաբերությունները կարևոր նշանակություն ունեն: Նշվել է, որ երկու երկրների միջև շփումները, ներառյալ բարձր մակարդակով այցերը, մեծ ավանդ են ներդնում մեր կապերի հետագա ընդլայնման գործում:

Նախարար Ջ.Բայրամովը՝ ԵԱՀԿ Մինսկի խմբի համանախագահ հանդիսացող Ֆրանսիայի դեսպանին մանրամասն պատմել է՝ հայ-ադրբեջանական հակամարտության կարգավորման մեջ առաջացած իրավիճակի մասին: Նշվել է, որ հայկական կողմի բացարձակապես սադրիչ ու անպատասխանատու պահվածքի պատճառով հակամարտության կարգավորման բանակցային գործընթացը փակուղի է մտել:

Ցավով նշվել է, որ Հայաստանի ղեկավարության գործողություններն ուղղված են տարածաշրջանում լարվածության սրմանը, և Մինսկի խմբի համանախագահները չեն արտահայտում իրենց վերաբերմունքը նման սադրիչ գործողությունների նկատմամբ: Նշվել է, որ սխալ է նույն ձևով վարվել օկուպանտ Հայաստանի և Ադրբեջանի նկատմամբ, որի տարածքների մի մասը շուրջ 30 տարի գտնվում էր օկուպացիայի տակ: Ընդգծվել է նաև, որ վերջերս Հայաստանի լայն սպառազինությունը վկայում է այս երկրի՝ նոր սադրանքներ իրականացնելու շահագրգռվածության մասին:

ARMENIA.AZ