USAID- ը ավելի քան 4 միլիոն դոլար է հատկացրել՝ Ադրբեջանում առողջապահական միջոցառումների համար

10 Սեպտեմբերի 2020 - 11:25

Գլոբալ խնդրին (COVID-19) USAID- ի ռեակցիայի շրջանակներում՝ երեք նախագծեր են իրականացվում Ադրբեջանում, Armenia.Az- ին հայտնել են՝ Ադրբեջանում ԱՄՆ-ի Միջազգային զարգացման գործակալության (USAID) ներկայացուցչությունում:

Գերատեսչության տվյալների համաձայն՝ ներկայումս USAID-ն ավելի քան 4 միլիոն դոլար է հատկացրել՝ Ադրբեջանում COVID-19 համավարակի դեմ տնտեսական և առողջապահական միջոցառումների համար: Այս միջոցներն ուղղված են՝ ավելի քան 7000 անապահով անձանց սննդամթերքի և հիգիենայի պարագաների տրամադրմանը, ինչպես նաև մարդկանց վիրուսի տարածումը կանխելու ուղղությամբ ձեռնարկվելիք քայլերի մասին իրազեկելուն:

Ասվել է նաև, որ Ադրբեջանում իրականացվում են ևս մի քանի նախագծեր: Այս նախագծերից մեկը հանդիսանում է՝ Հասարակական գործողություն՝ հանուն կայունության: Այս նախագիծը հատուկ ուշադրություն է դարձնում երիտասարդներին և կանանց: Այս ծրագրի շրջանակներում և USAID-ը և ՄԱԿ-ը դասընթացներ են անցկացրել համակարգչային հմտությունների, անգլերեն լեզվի, հաշվապահության, ֆինանսների և բիզնեսի կառավարման ոլորտում ավելի քան 190 երիտասարդների հետ՝ խոցելի խմբերից: Նաև անցկացվել է աշխատանքային երեք տոնավաճառ, որին մասնակցել է շուրջ 750 մարդ: Այս նախագիծը երաշխավորում է, որ երիտասարդները զարգանալու են դրական ձևով և օգուտ են բերելու հասարակությանը:

Գերտեսչությունում հայտնել են նաև, որ իրականացվել է «Քաղաքացիական հասարակության կազմակերպությունների ամբողջականությունը թափանցիկության համար» նախագիծը: Այս նախագիծը հնարավորություն է տվել ուսուցանել քաղաքացիական հասարակության կազմակերպությունների ավելի քան 200 անդամների՝ տարբեր թեմաների վերաբերյալ, այդ թվում` աջակցելով թափանցիկությունը բարելավելու և հասարակությանը ծառայություններ մատուցելու կառավարության ջանքերին: Նախագիծն իրականացվել է Ադրբեջանի արդարադատության նախարարության հետ համատեղ, որի օգնությամբ նախատեսվում էր հասարակության անդամներին ուսուցանել` կատարելու կառավարության պահանջները՝ փողերի լվացումը և քաղաքացիական հասարակության միջոցով ահաբեկչության ֆինանսավորումը կանխելու հետ կապված:

ARMENIA.AZ