Ալիևը Պուտինի հետ զրույցի ընթացքում բարձրացրել է՝ Ռուսաստանից Հայաստան ավելի քան 400 տոննա ռազմական բեռի մատակարարման հարցը

13 Օգոստոսի 2020 - 14:12

Ադրբեջանի նախագահ Իլհամ Ալիևը Ռուսաստանի նախագահին տեղեկացրել է, որ Ռուսաստանից Հայաստան՝ ռազմական նշանակության բեռների տեղափոխման ինտենսիվության բարձրացումը անհանգստություն է առաջացնում և լուրջ հարցեր է հարուցում ադրբեջանական հասարակության շրջանում:

Armenia.Az-ի փոխանցմամբ, Ադրբեջանի նախագահի մամուլի ծառայության հաղորդագրության մեջ ասվում են, որ օգոստոսի 12-ին կայացած հեռախոսազրույցի ընթացքում՝ նախագահ Իլհամ Ալիևը նախագահ Վլադիմիր Պուտինին տեղեկացրել է՝ հուլիսի 12-16-ին հայ-ադրբեջանական պետական սահմանին՝ Թովուզի շրջանի ուղղությամբ Հայաստանի կողմից իրականացված սադրանքի մասին:

Մեր պետության ղեկավարը ընդգծել է, որ Հայաստանի կողմից ագրեսիայի հերթական ակտի արդյունքում զոհվել են՝ Ադրբեջանի Հանրապետության Զինված Ուժերի զինծառայողներ և քաղաքացիական անձինք: Նախագահ Իլհամ Ալիևը նշել է, որ Հայաստանի զինված ուժերի կողմից սահմանամերձ գյուղերի և բնակավայրերի հրետակոծման արդյունքում շատ տներ ավերվել և դարձել են անօգտագործելի:

Նախագահ Իլհամ Ալիևը նշել է, որ Հայաստանի այս հարձակման նպատակը՝ հայ-ադրբեջանական հակամարտության մեջ երրորդ կողմի ներգրավումն էր:

Մեր պետության ղեկավարը Ռուսաստանի նախագահին տեղեկացրել է, որ հայ-ադրբեջանական սահմանին բախումների ավարտից հետո՝ հուլիսի 17-ից մինչ օրս, Ռուսաստանից Հայաստան տեղափոխվող ռազմական նշանակության ապրանքների ինտենսիվությունն աճել է, և դա մտահոգություն է առաջացնում և հարցեր է հարուցում ադրբեջանական հասարակության շրջանում:

Նախագահ Իլհամ Ալիևը ընդգծել է, որ հայ-ադրբեջանական սահմանին տեղի ունեցած ռազմական բախումից անմիջապես հետո, Ռուսաստանից՝ Ղազախստանի, Թուրքմենստանի և Իրանի Իսլամական Հանրապետության օդային տարածքով Հայաստան է տեղափոխվել ավելի քան 400 տոննա ռազմական բեռ, և հեռախոսազանգի հիմնական նպատակը հանդիսանում է այս հարցի պարզաբանումը:

ARMENIA.AZ