Դիվանագիտության կամավորները՝ «Ես Ղարաբաղն եմ, Ղարաբաղը Ադրբեջանն է» խորագրով տեսահոլովակ են պատրաստել

11 Օգոստոսի 2020 - 16:52

Ադրբեջանի Հանրապետության արտաքին գործերի նախարարության ենթակայության տակ գործող դիվանագիտության կամավորները ակտիվորեն մասնակցում են՝ հայ-ադրբեջանական հակամարտության իրողությունների և դրա ծանր հետևանքների, այդ թվում այս տարվա հուլիսի 12-ին Հայաստանի զինված ուժերի կողմից՝ ադրբեջանա-հայկական սահմանի Թովուզի ուղղությամբ իրականացված հերթական ռազմական սադրանքի մասին համաշխարհային հանրությանը տեղեկացնելու միջոցառումների իրականացմանը:

Այս մասին Armenia.Az- ին հայտնել են արտաքին գործերի նախարարության մամուլի ծառայությունում:

Դիվանագիտության կամավորները սոցիալական ցանցերում հանդես են գալիս՝ Հայաստանի կեղծիքները մերկացնող հրապարակումներով: Այսպես, պաստառներն ու տեսանյութերը, որոնցով երիտասարդ կամավորները կիսվում են սոցիալական ցանցերում և որոնք արտացոլում են Ադրբեջանի դեմ Հայաստանի ագրեսիվ քաղաքականության փաստերը, մարդկության դեմ ուղղված նրա ոճրագործությունները և մոտ 30 տարի Ադրբեջանի միջազգայնորեն ճանաչված տարածքի օկուպացումը՝ գրավել են տեղական և արտասահմանյան հանդիսատեսի ուշադրությունը:

Դիվանագիտության կամավորների ևս մեկ նախագիծ, որն իրականացվել է ի աջակցություն Ադրբեջանի Հանրապետության նախագահ Իլհամ Ալիևի կարգախոսի՝ «Ղարաբաղը Ադրբեջանն է», «Ես Ղարաբաղն եմ, Ղարաբաղը Ադրբեջանն է տեսահոլովակի միջոցով արտացոլում է՝ Ադրբեջանի օկուպացված Ղարաբաղի մարզի՝ համաշխարհային հանրությանը ուղղված ուղերձը: Դիմումը, որը պատրաստվել է անգլերեն, գերմաներեն, կորեերեն, չինարեն, ֆրանսերեն և իսպաներեն լեզուներով, պլանավորվում է թարգմանել նաև աշխարհի մյուս լեզուներով:

ARMENIA.AZ