Նախկին համանախագահ. Մինսկի խումբն ընդունակ չէ լուծել այս խնդիրը

04 Օգոստոսի 2020 - 16:56

Ուժի կիրառումը տեղի ունեցավ ոչ թե շփման գոտում, որտեղ նախկինում տեղի էին ունենում հիմնական բախումները, այլ Հայաստանի և Ադրբեջանի սահմանին։ Կարծում եմ՝ դա այն հարցն է, որին դեռ ոչ ոք չի պատասխանել:

Այս մասին «Ամերիկայի ձայնին» ասել է ԵԱՀԿ Մինսկի խմբի ամերիկացի նախկին համանախագահ Ռիչարդ Հոգլանդը՝ անդրադառնալով վերջին շրջանում հայ-ադրբեջանական սահմանին լարվածության աճին, տեղեկացնում է Armenia.Az-ը՝ վկայակոչելով «Մոսկվա-Բաքու» պորտալին:

Հոգլանդը հայտնել է նաև, որ խոսել է ԵԱՀԿ նախագահի անձնական ներկայացուցիչ Անջեյ Կասպրշիկի հետ:

«Այս պահին նրանք չեն կարող զինված գոտում դիտորդական առաքելություն իրականացնել։ Այսօրվա վիճակը, սակայն, արմատապես տարբերվում է նախկինից։ Մինսկի խումբը մեծ ջանքեր գործադրեց լարվածությունը նվազեցնելու և ստատուս-քվոյին վերադառնալու ուղղությամբ։ Բայց ես զգացում ունեմ, որ, ցավոք, մոտ ապագայում Մինսկի խումբը չի կարող լուծել այս խնդիրը։ Գոյություն ունեն ՄԱԿ-ի Անվտանգության խորհրդի 4 բանաձևերը Լեռնային Ղարաբաղի մասին, այսպես կոչված՝ Մադրիդյան սկզբունքները, որոնք հնարավոր լուծում են առաջարկում», - ասել է Հոգլանդը։

Նույնիսկ Ռուսաստանի արտգործնախարար Լավրովը լուծում առաջարկեց։ Քանի դեռ կողմերը չեն հայտարարել, որ պատրաստ են փոխզիջման, այսպիսի իրավիճակը, դժբախտաբար, կշարունակվի և դրանում, ցավոք, քաղաքացիական հասարակությունը կարող է ներգրավված լինել»։

Անդրադառնալով Թուրքիայի ակտիվությանը, նա նշել է․«Անկեղծ ասած անձամբ չեմ լսել որևէ զեկույց Թուրքիայի ուղղակի ներգրավվածության մասին»։

ARMENIA.AZ