Ադրբեջանի Պնախարարություն. Եթե մենք օգտագործեինք TOS-1, ապա Հայաստանում ավերածությունների մասշտաբը ավելի մեծ կլիներ

03 Օգոստոսի 2020 - 14:19

Տեղեկատվությունն այն մասին, որ իբր ադրբեջանական բանակի ականանետային-հրթիռային-հրետանային հարվածների արդյունքում՝ Հայաստանի քաղաքացիական ենթակառուցվածքին հասցվել է 300 հազար դոլարի վնաս, դա ոչ այլ ինչ է, քան Հայաստանի կառավարության փորձը՝ Ադրբեջանի վրա գցել՝ ինչ որ մի ժամանակ տեխնածին աղետների, կամ հնանալու արդյունքում ավերված, տները, մանկապարտեզները, ջրատարները և գազատարները, գործարանները, ձեռնարկությունները, մի խոսքով, առանց այն էլ աղետալի վիճակում գտնվող սահմանամերձ հայկական բնակավայրերի քաղաքացիական ենթակառուցվածքը վերանորոգելու և վերականգնելու իր անկարողությունը:

Այս մասին ասված է՝ Ադրբեջանի Պաշտպանության նախարարության հայտարարության մեջ, հայտնում է Armenia.Az- ը՝ հղում անելով Armiya.Az- ին:

«Մենք մեկ անգամ ևս հայտարարում ենք, որ, ի տարբերություն հակառակորդի, ադրբեջանական բանակի ստորաբաժանումները երբեք չեն թիրախավորում և կրակ բացում՝ քաղաքացիական բնակչության, բնակավայրերի, տների, քաղաքացիական օբյեկտների վրա:

Ինչ վերաբերում է Հայաստանի քննչական կոմիտեի անհիմն մեղադրանքներին՝ կապված հայ-ադրբեջանական սահմանում ռազմական գործողությունների ընթացքում ադրբեջանական կողմից՝ TOS-1 ծանր հրանետային համակարգերի և «Գրադ» համազարկային կրակի հրթիռային համակարգերի ենթադրյալ օգտագործման հետ, մենք միանշանակ նշում ենք, որ այս մարտերի ընթացքում ադրբեջանական բանակը չի օգտագործել վերը նշված զենքերը: Ադրբեջանական բանակը մտադիր է օգտագործել այդ զենքերը և այլ ավելի ժամանակակից զենքեր՝ բացառապես ընտրված ռազմական օբյեկտների, ռազմական ենթակառուցվածքների ինչպես նաև հակառակորդի պաշտպանության խորքում մեծ տարածքներում գտնվող կենդանի ռազմական ուժի՝ ճշգրիտ կրակով ոչնչացման համար: Սակայն հայտնի է, որ նման օբյեկտները դեռևս չեն թիրախավորվել մեր կողմից և չեն ոչնչացվել:

Եթե հայկական կողմը ապացույցներ ունի՝ TOS-1 ծանր հրանետային համակարգերի և Գրադ համազարկային կրակի հրթիռային համակարգերի օգտագործման վերաբերյալ, ապա թող ներկայացնի դրանք», - ասվում է Ադրբեջանի Պնախարարության հայտարարության մեջ:

ARMENIA.AZ