1988-ին Հայաստանից փախած ադրբեջանցի. Մեզ մահով էին սպառնում

28 Հուլիս 2020 - 16:31

Հայաստանից փախստական դարձած ադրբեջանցին պատմել է նախորդ դարի 80-ական թվականների վերջերին ապրած ծանր օրերի մասին:

«Ես հստակ տեսնում էի այն գործընթացը, որը Հայաստանում սկսվել էր դեռ 1988 թվականից առաջ: Հայերն այնտեղ բնակվող ադրբեջանցիներին մահով էին սպառնում», - պատմում է 1988 թվականին Հայաստանից վտարված Վիլայեթ Մամեդովը, տեղեկացնում է Armenia.Az-ը՝ վկայակոչելով Trend-ին:

Մամեդովը ծնվել է 1959 թվականին՝ Հայաստանի ԽՍՀ-ի Ամասիայի շրջանում: ԲՈՒՀ-ն ավարտելուց հետո աշխատել է Ադրբեջանի Իսմայիլլի շրջանում՝ որպես մաթեմատիկայի ուսուցիչ, 1986-ին վերադարձել է հարազատ գյուղ:

Մինչև 1988 թվականը դասավանդել է հարազատ գյուղի միջնակարգ դպրոցում:

«1988 թվականին հայտնի իրադարձությունների պատճառով ստիպված եղանք լքել մեր հարազատ տունը: Ես դա չեմ կարող «արտաքսում» անվանել, քանի որ մենք բառիս բուն իմաստով այնտեղից փախանք հետապնդումների և հարձակումների պատճառով: Հայերը փակել էին բոլոր ճանապարհները: Նրանք սննդամթերք չէին բերում ադրբեջանական գյուղեր: Հայաստանից փախչելու համար մենք գտանք ազգությամբ ռուս վարորդի: Քանի որ ավելի կարճ ճանապարհը փակ էր, մենք փորձեցինք Հայաստանի լքել Կիրովականով անցնող ճանապարհով: Սակայն, հայերը կանգնեցրեցին մեր մեքենան: Տեսնելով, որ ես ադրբեջանցի եմ, նրանք հարձակվեցին ավտոմեքենայի վրա, որում գտնվում էին նաև իմ երկու անչափահաս երեխաները: Այդ պահին մի ռուս գնդապետ խլեց հարձակված հայերի զենքը և վարորդին կարգադրեց քշել մեքենան և այլևս ճանապարհին չկանգնել: Մեզ հետապնդում էին երեք ավտոմեքենաներ: ГАЗ-69 մակնիշի ավտոմեքենայից երկու անգամ կրակեցին մեր ուղղությամբ», - ասել է Վիլայեթ Մամեդովը:

ARMENIA.AZ