Լոնդոնի թագավորական ինստիտուտի վերլուծաբան. «Խոսքը՝ տարածքների Ադրբեջանի վերահսկողության տակ վերադարձնելու մասին է»

28 Հուլիս 2020 - 14:03

Բրիտանացի փորձագետ Լոուրենս Բրոերսը, ով արդեն 15 տարվա ընթացքում հետևում է ղարաբաղյան հակամարտությանը՝ իրական վտանգ է տեսնում նրանում, որ երկրների միջև բանակցությունները կարող են ընդհատվել, փոխանցում է Armenia.Az-ը՝ վկայակոչելով haqqin.az-ին։

Վերլուծաբանի խոսքով, երկխոսությւնը, որը շարունակվում է 1992 թվականից՝ հարվածի տակ է հայտնվել՝ երկու շաբաթ առաջ հայ-ադրբեջանական պետական սահմանին ընդհարումների պատճառով։

«Ես կարծում եմ, որ տվյալ պահին իրական վտանգը կայանում է նրանում, որ Հայաստանի և Ադրբեջանի միջև բանակցությունները կարող են ընդհատվել»,- նշել է վերլուծաբանը։

Բրոերսի կողմից հիշատակված հիմնական սկզբունքները շրջանառության մեջ են գտնվում արդեն ավելի քան տաս տարի։ Դրանք նախատեսում են Ղարաբաղի շուրջ տարածքների վերադարձը Ադրբեջանի վերահսկողության տակ։ Ղարաբաղի միջանկյալ կարգավիճակը, ըստ որի նրա համար կնախատեսվեն անվտանգության երաշխիք և ինքնավարություն՝ Հայաստանը Լեռնային Ղարաբաղի հետ միացնող միջանցքն է։ Իրավաբանորեն պարտավորող կամարտահայտության միջոցով Ղարաբաղի վերջնական իրավական կարգավիճակի հետագա որոշումը, հարկադիր վերաբնակների, փախստականների վերադարձը և անվտանգության միջազգային երաշխիքները, ներառյալ խաղաղապահ գործունեությունը։

Անցած հանգստյան օրերին ԵԱՀԿ Մինսկի խմբի համանախագահները հայտարարել են, որ այդ դրույթները մնում են ուժի մեջ՝ կողմերին կոչ անելով նախապատրաստվել լուրջ և առարկայական բանակցություններին։

«Մինսկի խումբը իր անհաջողություններով և իր հասցեին քննադատություններով հանդերձ, որոնք մենք լսում ենք ոչ միայն վերջին օրերին, այլ նաև վերջին տարիներին՝ այդ բանակցություններին խթանման նոր հնարավորություն է տալիս։ Այլ բան է, որ դրանց նկատմամբ պահանջները և ձգտումները պետք է ելնեն երկու երկրների հասարակություններից»,-հայտարարել է Լոնդոնի Միջազգային հարաբերությունների թագավորական ինստիտուտի վերլուծաբանը։

Փորձագետը նշել է, որ առայժմ բանակցային գործընթացի վերսկսման ոչ մի նշաններ չկան։ Եվ դա այն բանից հետո, երբ Հայաստանում «թավշյա» հեղափոխությունից հետո մոտ երկու տարվա ընթացքում սահմանին հաստատվել էր աննախադեպ կայունություն, երբ պաշտոնական Երևանը և Բաքուն սկսեցին ձեռնարկել վստահության ամրապնդման քայլեր՝ ղեկավարների միջև կապի ուղիղ գծի հաստատումից մինչև գերիների փոխանակման և լրագրողների փոխադարձ այցերը։ Փորձագետը դժվարանում է պատասխանել հարցին, թե ինչ է փոխվել և ինչու, բայց արձանագրում է, որ եղել են գործոններ, որոնք նպաստել են իրավիճակի սրմանը։

ARMENIA.AZ