ԵԱՀԿ ՄԽ համանախագահները Հայաստանին և Ադրբեջանին կոչ են արել վերականգնել առարկայական բանակցությունները

14 Հուլիս 2020 - 10:41

ԵԱՀԿ Մինսկի խմբի համանախագահները կոչ են անում Հայաստանին և Ադրբեջանին հնարավորինս շուտ վերականգնել առարկայական բանակցությունները:

Ինչպես տեղեկացնում է Armenia.Az-ը, այս մասին ասված է համանախագահների տարածած հայտարարության մեջ:

«Հայաստանի և Ադրբեջանի պաշտպանության նախարարների, ինչպես նաև այլ աղբյուրների հաղորդումների համաձայն՝ հուլիսի 12-13-ը հրադադարի լուրջ խախտում է տեղի ունեցել հայ-ադրբեջանական սահմանին, ինչը հանգեցրել է կորուստների: Տարբեր տրամաչափի հրետանի է կիրառվել երկու ուժերի կողմից էլ», - ասված է հայտարարության մեջ։

Համանախագահները և ԵԱՀԿ գործող նախագահողի անձնական ներկայացուցիչ Անջեյ Կասպրշիկը ափսոսանք են հայտնել մարդկային կորուստների առնչությամբ և ցավակցություն հայտնել զոհվածների և վիրավորվածների ընտանիքներին։

Ըստ հայտարարության, համանախագահները և Անջեյ Կասպրշիկը սրացման մեկնարկից սկսած մշտական կապի մեջ են և Հայաստանի, և Ադրբեջանի պաշտոնատար անձանց հետ։

«Համանախագահները դատապարտել են հրադադարի վերջին խախտումները և կողմերին կոչ անում ձեռնարկել բոլոր անհրաժեշտ քայլերը կանխելու իրավիճակի հետագա բոլոր սրացումները, այդ թվում և նրանց միջև առկա անմիջական շփման ուղիների օգտագործումը», - ասված է հայտարարության մեջ:

Մինսկի խմբի համանախագահները նաև կոչ են անում կողմերին հնարավորինս շուտ վերականգնել առարկայական բանակցությունները։ Նրանք նաև հավաստիացրել են, որ ԵԱՀԿ դիտորդները հենց որ պայմանները թույլ տան, կվերադառնան տարածաշրջան։

ARMENIA.AZ