Նախագահ. «Հայ զինվորները չկարողացան ոչ մի սանտիմետր անցնել ադրբեջանական հողը»

13 Հուլիս 2020 - 18:02

«Երեկ ցերեկով Հայաստանը հերթական սադրանք է իրականացրել՝ Թովուզի ուղղությամբ Ադրբեջանի և Հայաստանի միջև պետական սահմանին: Արդեն առաջին անգամը չէ, երբ Հայաստանը ռազմական սադրանքներ է իրագործում պետական սահմանին Այդ սադրանքների արդյունքում վերջին մի քանի ամսվա ընթացքում զոհվել են մեր զինծառայողները, ինչպես նաև քաղաքացիական անձինք։ Հերթական սադրանքի արդյունքում զոհվել են մեր մի քանի զինծառայողներ։ Անսպասելիորեն մեր ռազմական պահակակետը ենթարկվել է հրետանային գնդակոցման, և այդ կեխտոտ գործողությունների արդյունքում զոհվել ու վիրավորվել են մեր զինծառայողները»։

Ինչպես փոխանցում է Armenia.Az-ը՝ վկայակոչելով ԱզերԹաջին, այդ մասին՝ Ադրբեջանի Անվտանգության խորհրդի նիստի ժամանակ հայտարարել է նախագահի Իլհամ Ալիևը։

Պետության ղեկավարը ընդգծել է, որ Հայաստանի հերթական սադրանքը վճռականորեն կանխվել է և հակառակորդը ստացել է համարժեք պատասխան։

«Մեր զինծառայողների վրեժը առնվել է։ Հայկական կողմի բոլոր փորձերը խափանվել են, Ադրբեջանը պաշտպանել է իր պետական սահմանը, իսկ հայ զինվորները չեն կարողացել նույնիսկ մի սանտիմետր անցնել ադրբեջանական հողը»,- ասել է Իլհամ Ալիևը։

Նախագահը հայտնել է, որ այսօր սահմանին իրավիճակը շարունակում է մնալ լարված։

«Երեկ երկկոյան ես կապի մեջ էի բոլոր համապատասխան կառույցների և հրամանատարների հետ։ Այսօր առավոտյան ինձ զեկուցել են օպերատիվ իրավիճակը՝ սահմանին իրավիճակը չի կայունացել։ Ողջ պատասխանատվությունը ընկնում է Հայաստանի ռազմաքաղաքական ղեկավարության վրա։ Հատկապես Հայաստանի ղեկավարության երկերեսանիության և երեսապաշտության պատճառով են տեղի ունենում նման միջադեպեր։ Մի կողմից, նրանք դիմում են միջազգային հանրությոանը և օգնություն են խնդրում զորքերի շփման գծում հրադադարի ռեժիմի ամրապնդման համար, իսկ մյուս կողմից՝ նրանք կրակի են ենթարկում են մեր գյուղերը և քաղաքացիական բնակչությանը, իրագործելով ռազմական սադրանքներ, ուզում են հարձակվել Ադրբեջանի տարածքների վրա և զավթել մեր դիրքերը։ Այդ կեխտոտ քաղաքականությունը Հայաստանին տանում է դեպի անդունդ։ Ողջ պատասխանատվությունը ընկնում է Հայաստանի ղեկավարության վրա։ Ադրբեջանը առաջիկայում ևս կպաշտպանի իր սահմանները և տարածքային ամբողջականությունը։ Այսօր ցերեկը և երեկ երկոյան հակառակորդին հասցրած կործանիչ հարվածները հերթական անգամ ցուցադրել են դա։ Զոհված զինծառայողների վրեժը առնվել է, նրանց արյունը հողի վրա չի մնացել և չի մնա»,- ասել է նախագահը։

Պետության ղեկավարը նշել է, որ հայկական կողմի այդ կեխտոտ գործողությունները հերթական անգամ ցուցադրում են նրա ագրեսիվ քաղաքականությունը։ Այդ քաղաքականությունը անհնար է բացատրել տրամաբանորեն, որովհետև դրանք բավականին հակասական են և և հանդիսանում են վտանգի մեծ աղբյուր հենց Հայաստանի համար։

«Ես բազմիցս ասել և ուզում եմ կրկին անգամ ասել՝ Ադրբեջանը երբեք չի հաշտվի իր տարածքների օկուպացիայի հետ և կանի ամեն հնարավորը, որպեսզի վերականգնի իր տարածքային ամբողջականությունը«,- հայտարարել է պետության ղեկավարը։

Իլհամ Ալիևը ընդգծել է, որ համապատասխան դիմումներ են արվել միջազգային կազմակերպություններ, և հենց որ օպերատիվ իրավիճակը թույլ տա, օտարերկրյա պետությունների ռազմական ներկայացուցիչները կհրավիրվեն այդ տարածքներ։

«Թող իրենց աչքով տեսնեն, թե ով է իրագործել այդ ռազմական սադրանքը, թե ինչ է տեղի ունեցել այդ ռազմական սադրանքի հետևանքով և ով է պատասխանատու իրավիճակի սրման համար։ Մեր գործը արդար է և Ադրբեջանը մի քայլ անգամ չի նահանջի իր սկզբունքային դիրքորոշումից»,- ասել է նախագահ Իլհամ Ալիևը։

ARMENIA.AZ