ՌԴ-ում Ադրբեջանի դեսպան. «Հայաստանի հետ սահմանին միջադեպը կարող է վերաճել խոշոր ընդհարումների»

13 Հուլիս 2020 - 17:09

Ռուսաստանում Ադրբեջանի դեսպան Փոլադ Բյուլբյուլօղլուն չի բացառել, որ Հայաստանի հետ սահմանին հակամարտությունը կարող է վերաճել խոշոր ընդհարումների։

«Հայ-ադրբեջանական սահմանին երեկվա լարվածությունը չի հանդիսանւմ ինչ որ նոր բան և սենսացիա։ Ես շատ անգամ եմ ասել, այդ մասին Ադրբեջանի Հանրապետության նախագահ Իլհամ Ալիևը ևս ասել է, որ Ադրբեջանը երբեք չի հաշտվի իր 20 տոկոս տարածքների կորստի հետ։ Խոսքը նույնիսկ Լեռնային Ղարաբաղի մասին չէ, խոսք չի գնում այն մասին, որ ինչ որ մեկը ուզում է այնտեղից դուրս հանել ազգությամբ հայ անձանց։ Խոսքը այն մասին է, որ օկուպացվել է Ադրբեջանի տարածքների 20 տոկոսը։ Ի՞նչ եք կարծում, տասմիլիոնանոց, հարուստ, ենթակառույցներով զարգացած, զինված երկիրը թույլ կտա անսահման քանակի ժամանակով օկուպացնել իր տարածքները։ Չէ որ դա անհնա՞ր է»,- հայտարարել է Բյուլբյուլօղլուն «Խոսում է Մոսկվան» ռադիոկայանին տված հարցազրույցում հայտարարել է Բյուլբյուլօղլուն, փոխանցում է Armenia.Az-ը։

Դեսպանի խոսքով, խաղաղ բանակցությունները ոչ մի արդյունք չեն տալիս։ Դրա հետ կապված Փոլադ Բյուլբյուլօղլուն չի բացառել տարածաշրջանում լայնածավալ մարտական գործողությունների սկիզբը։

«Քանի դեեռ օկուպացված են ադրբեջանական տարածքները, նման միջադեպերը անխուսափելի են։ Մենք այդ մասին ասել ենք նաև 2016 թվականին, երբ եղել են ակտիվ մարտական գործողություններ։ Ցավոք, մեծ երկրները, մեր հարևանները ձգտում են սառեցնել այս հակամարտությունը, որպեսզի այն անսահման երկարաձգվի։ Բանակցությունները չեն կարող անցկացվել հանուն բանակցությունների։ Բանակցությունները պետք է արդյունքներ տան։ Եթե նրանք արդյունքներ չեն տալիս, ապա բնական է, կլինեն մարտական գործողություններ։ Հետևաբար հարկավոր է, որպեսզի մեկընդմիշտ լինի հասկանալի դիրքորոշում։ Խոսք է գնում Ադրբեջանի տարածքներից օտարերկրյա զորքերի դուրս բերման մասին։ Եվ քանի դեռ նրանք գտնվում են Ադրբեջանի տարածքում, նման հակամարտությունները կշարունակվեն և մի օր կարող են վերաճել մասշտաբային պատերազմի, որը աղետ կլինի ողջ տարածաշրջանի համար»,- նշել է նա։

Դեսպանը ընդգծել է, Բաքուն թույլ չի տա «Հարավային Կովկասի տարածքում երկրորդ հայկական պետության» ստեղծումը։

«Բանը նրանում չէ, թե ով առաջինը սկսեց, ով երկրորդը պատասխանեց։ Այս բոլորը մանրամասնություններ են, որոնք ոչ մի նշանակություն չունեն։ Հարց՝ ինչու՞ է այն ծագում։ Որովհետև օկուպացվել են Ադրբեջանի տարածքները։ Որովհետև օտարերկրյա զորքերը ուժի օգնությամբ պահում են Ադրբեջանի տարածքները։ Ես ասում եմ, որ ժամանակն է այդ հակամարտությունը լուծել միջազգային իրավունքի հիման վրա, իսկ միջազգային իրավունքը լիովին Ադրբեջանի կողմն է։ Որքա՞ն կարելի է համբերել։ Այսօր ադրբեջանական բանակը ի վիճակի է կատարել Գերագույն գլխավոր հրամանատարի կողմից դրված խնդիրները։ Գերագույն գլխավոր հրամանատարը այդ հրամանը չի տալիս, որովհետև չի ուզում, որպեսզի արյուն թափվի։ Երեկ Ադրբեջանը հերթական կորուստներ կրեց։ Մենք չենք թաքցնում դա: Հարցը հարկավոր է լուծել։ Մենք պատրաստ ենք այն լուծել խաղաղ ճանապարհով։ Բայց ոչ թե բանակցություններ հանուն բանակցությունների, այլ կոնկրետ առարկայական բանակցություններ, որոնք կարող են հարցը շարժել մեռյալ կետից։ Քանի դեռ հարցը չի լուծվել, նման բաներ կարող են տեղի ունենալ։ Եվ, ևս մեկ անգամ ևս ուզում եմ կրկնել, կարող է վերածվել լայնածավալ պատերազմի, իր բոլոր բացասական հետևանքներով»,- հավելել է դիվանագետը։

ARMENIA.AZ