Թուրք դեռահասը ոչ սովորական խնդրանքով դիմել է Ադրբեջանի Պաշտպանության նախարարությանը

10 Հուլիս 2020 - 16:17

Աշխարհի պետությունների դրոշների կոլեկցիա հավաքող, Թուրքիայի 15-ամյա քաղաքացի Ալի Մերդ Թունչը հատուկ սեր է տածում Ադրբեջանի հանդեպ:

Մեր երկրի նկատմամբ այս հետաքրքրության շնորհիվ և իր հավաքածուն համալրելու նպատակով, պատանին դիմել է Ադրբեջանի Հանրապետության Պաշտպանության նախարարությանը՝ խնդրելով նրան նվիրել Ադրբեջանի դրոշ, հայտնում է պաշտպանական գերատեսչության մամուլի ծառայությունը:

Պաշտպանության նախարարի հանձնարարությամբ՝ Անկարայում մեր երկրի ԶՈՒ-ի ռազմական կցորդ, գնդապետ Մուշֆիգ Մամեդովը հանդիպել է Ալիի, նրա կրտսեր քրոջ՝ Դեֆնե Զերենի և ծնողների՝ Ալի Քեմալ Թունչի և Քեվսեր Թունչի հետ: Ջերմ ընդունելությունը հիանալի տպավորություն է թողել հյուրերի վրա:

Հանդիպմանը խոսվել է Ադրբեջանի և Թուրքիայի հարաբերությունների պատմության, մեր երկրների մշակույթի, փոխադարձ հարաբերությունների զարգացման, ինչպես նաև մեր երկրների համագործակցության մասին՝ ադրբեջանական ժողովրդի համազգային առաջնորդ Հեյդար Ալիևի կողմից ուրվագծված ձևաչափով, ով Ադրբեջանի և Թուրքիայի մասին ասաել է, որ դա «Մեկ ազգ, երկու պետություն է»:

Հանդիպման ավարտին Ալիին է հանձնվել Ադրբեջանի Հանրապետության պետական դրոշը, իսկ նրա ընտանիքի յուրաքանչյուր անդամին՝ տարբեր նվերներ:

Հյուրերը խորին երախտագիտություն են հայտնել նրա համար, որ Ալիի դիմումը կարճ ժամանակում քննարկվել է, Անկարայում Ադրբեջանի դեսպանատուն հրավիրելու և նրանց նկատմամբ ցուցաբերված ջերմ ընդունելության համար:

Ալի Մերդ Թունչը և նրա ընտանիքի անդամները ցանկություն են հայտնել՝ COVİD-19 համավարակի ավարտից հետո այցելել Ադրբեջան:

ARMENIA.AZ