Ադրբեջանի ԱԳՆ. «Մենք միշտ կողմ ենք եղել բովանդակային բանակցությունների անցկացմանը»

09 Հուլիս 2020 - 14:33

«Պատասխանելով տեղական ԶԼՄ-ների հարցերին՝ Ադրբեջանի Հանրապետության նախագահ Իլհամ Ալիևը հերթական անգամ կոնկրետ փաստերով մերկացրեց Հայաստանի վարած օկուպացիոն քաղաքականությունը, որում գերիշխում է նացիստական գաղափարախոսությունը, ինչպես նաև ավելի քան 1 միլիոն մարդու հիմնարար իրավունքները խախտած այդ երկրի կեղծ ժողովրդավարությունը»:

Ինչպես տեղեկացնում է Armenia.Az-ը, այս մասին հայտարարել է Ադրբեջանի արտաքին գործերի նախարարության մամուլի ծառայության ղեկավար Լեյլա Աբդուլլաևան:

«Հայաստանի ԱԳՆ-ն Ադրբեջանին մեղադրում է նրանում, որ նա Հայաստանին պատկերացնում է «օգտակար թշնամու» կերպարում: Այդ առումով նախևառաջ հարկ է նշել, որ Ադրբեջանի հողերը շուրջ 30 տարի օկուպացման տակ պահող և ագրեսիվ քաղաքականություն վարող Հայաստանը վաղուց է թշնամու կերպար ձեռք բերել:

Հայաստանի ներկայիս իշխանությունների ձախողված ներքին և արտաքին քաղաքականությունը, ինչպես նաև ռազմական օկուպացիայի շարունակումը բացահայտ ցույց են տալիս, որ նրանք թշնամաբար են վերաբերվում սեփական ժողովրդի ներկային և ապագային», - ընդգծել է Ադրբեջանի ԱԳՆ-ի պաշտոնական ներկայացուցիչը:

Լեյլա Աբդուլլաևան ընդգծել է, որ Ադրբեջանը միշտ կողմ է եղել բովանդակային բանակցությունների անցկացմանը և հակամարտության շուտափույթ կարգավորման համար ԵԱՀԿ Մինսկի խմբի համանախագահներից պահանջել է ճնշում գործադրել ագրեսոր Հայաստանի վրա: «Այս հարցում Ադրբեջանի դիրքորոշումն անփոփոխ է և կրում է սկզբունքային բնույթ»:

ARMENIA.AZ