Ադրբեջանի նախագահը բացել է Բաքվի նոր վերակառուցված «8-րդ կիլոմետր» ենթակայանը

09 Հուլիս 2020 - 12:26

Հուլիսի 9-ին Ադրբեջանի Հանրապետության նախագահ Իլհամ Ալիևը մայրաքաղաքի Նիզամիի շրջանում մասնակցել է «Ազերէներժի» ԲԲԸ-ին պատկանող 110/35/10 կիլովատանոց «8-րդ կիլոմետր» ենթակայանի բացմանը:

Ինչպես տեղեկացնում է Armenia.Az-ը, այս մասին տեղեկությունը տարածել է Ադրբեջանի նախագահի մամուլի ծառայությունը:

Նշվել է, որ «8-րդ կմ» ենթակայանը կառուցվել է 52 տարի առաջ, որի շահագործման ժամկետը վաղուց լրացել է: Արդյունքում, այստեղ հաճախ են տեղի ունեցել կարճ միացումներ, և էներգետիկ համակարգը հայտնվել է վթարի վտանգի տակ: Վերակառուցման շնորհիվ այս բոլոր խնդիրները վերացվել են:

Նախագահ Իլհամ Ալիևը գործի է դրել ենթակայանը:

Վերակառուցված ենթակայանը կարևոր դեր կխաղա՝ Խաթայիի և Նիզամիի շրջաններում հարյուր հազարավոր բնակիչների, արդյունաբերական, կոմունալ-կենցաղային օբյեկտների, ուսումնական, առողջապահության և հանրային սննդի հաստատությունների էլեկտրաէներգիայի շարունակական մատակարարման գործում:

Նշենք, որ վերջին երկու տարիներին մեր երկրում շինարարական, վերակառուցման, վերանորոգնման և վերականգնման աշխատանքներ են իրականացվել՝ համակարգային նշանակության ավելի քան 20 ենթակայաններում: Մինչ օրս վերակառուցումից հետո շահագործման են հանձնվել 220 կիլովոլտ հզորությամբ «Մուշվիգ» ենթակայանը, 110 կիլովոլտ հզորությամբ «Զաբրատ», «Դուբենդի» և «Ահմեդլի» ենթակայանները: Աշխատանքներն ավարտվել են՝ նորակառույց 220 կիլովոլտ հզորությամբ «Բեյուքշոր» և վերակառուցված «Խիրդալան» ենթակայաններում: Միևնույն ժամանակ, աշխատանքները շարունակվում են՝ 500 կիլովոլտ հզորությամբ «Աբշերոն» ենթակայանում և տասից ավելի 110 կիլովոլտ հզորությամբ ենթակայաններում:

ARMENIA.AZ