Ստուգվել է՝ Ադրբեջանի ԶՈՒ-ի առաջապահ ստորաբաժանումների անձնակազմի մարտական պատրաստությունը

06 Հուլիս 2020 - 22:39

Պաշտպանության նախարար, գեներալ-գնդապետ Զաքիր Հասանովի հանձնարարությամբ, Անձնակազմի կառավարման գլխավոր վարչության մի խումբ սպաներ՝ պաշտպանության նախարարի տեղակալ, գեներալ-լեյտենանտ Քերիմ Վելիևի գլխավորությամբ, ստուգել են առաջապահ ստորաբաժանումների անձնակազմի մարտական և բարոյահոգեբանական պատրաստվածության մակարդակը, հայտնում է Armenia.Az-ը՝ հղում անելով Ադրբեջանի Պաշտպանության նախարարությանը:

Տարբեր կատեգորիայիի զինծառայողների հետ հանդիպումների ընթացքում փոխնախարարը նրանց ուշադրությանն է հասցրել՝ Գերագույն գլխավոր հրամանատար Իլհամ Ալիևի վերջին ելույթներում առաջ քաշված՝ գաղափարական աշխատանքի ամրապնդման պահանջները, անձնակազմի հետ քննարկել է՝ մարտական, բարոյահոգեբանական և ֆիզիկական պատրաստվածության, ինչպես նաև զինվորական կարգապահության հարցերը:

Նշելով, որ Գերագույն գլխավոր հրամանատարի կողմից Ադրբեջանի բանակի առջև դրված առաջադրանքների հաջող կատարման արդյունքում՝ զգալիորեն աճել են մեր բանակի մարտունակությունը, անձնակազմի հայրենասիրական ոգին և բարոյահոգեբանական պատրաստվածության մակարդակը, փոխնախարարը ընդգծել է գաղափարական աշխատանքի ուժեղացումը:

Անձնակազմին ևս մեկ անգամ հիշեցվել է՝ սպառազինության, ռազմական տեխնիկայի և այլ մարտական միջոցների խորը ուսումնասիրության կարևորությունը, սոցիալ-քաղաքական դասընթացներում տեսական և գործնական պարապմունքների որակը, ինչպես անհատական, այնպես էլ կոլեկտիվ իրականացվող դաստիարակչական աշխատանքների ուժեղացումը, ինչպես նաև զինծառայողների շրջանում բարեկամական մթնոլորտի ամրապնդումը, անընդհատ հակառակորդի հանդեպ ատելության զգացողություն ներարկումը, նախաձեռնության խրախուսումը, հատուկ ուշադրություն դարձնելով անձնակազմի առողջական վիճակին, ինչպես նաև պաշտպանության նախարարի մյուս հանձնարարականներին:

ARMENIA.AZ