Ադրբեջանը՝ համավարակի հետևանքների նկատմամբ տնտեսության կայունությամբ առաջատար է ԱՊՀ երկրների շարքում

06 Հուլիս 2020 - 17:52

Ադրբեջանի տնտեսության նախարար Միքաիլ Ջաբբարովը այս օրերին անցկացված մամուլի ասուլիսի ժամանակ նշել է, որ կորոնավիրուսի համավարակի հետևանքով առաջացած համաշխարհային տնտեսական ճգնաժամի ֆոնին՝ Ադրբեջանի տնտեսությունը ցուցադրել է իր կայունությունը, չնայած տարբեր տեսակի դժվարություններին։

Նրա գնահատականը հաստատվում է նաև անկախ հետազոտողների կողմից, հայտնում է Armenia.Az-ը։

Առևտրի և արտաքին տնտեսական գործունեության հետ կապված ռիսկերի ապահովագրման ոլորտում համաշխարհային առաջնորդներից մեկը՝ Coface միջազգային ապահովագրական ընկերությունը՝ համաշխարհային տնտեսության տասներեք հատվածներում ռիսկերի գնահատում է անցկացրել։

Նրանց շարքում են՝ ագրոպարենային հատվածը, մեքենաշինությունը, քիմիական արդյունաբերությունը, շինարարությունը, էներգետիկան, ՏՀԿ-ն, մետալուրգիան, ցելուլյոզաթղթային արտադրությունը, դեղագործական ոլորտը, մանրծախ առևտուրը, տեքստիլային ապրանքները և հագուստը, տրանսպորտը և փայտավերամշակման արդյունաբերությունը։

Ռիսկերի գնահատման ժամանակ հաշվի են առնվել հիգ ֆինանսական ցուցանիշներ. առևտրաշրջանառությունը, եկամտաբերությունը, զուտ պարտքի գործակիցը, դրամական միջոցների հոսքը, ինչպես նաև ընկերության ռիսկ-մենեջերների կողմից նշված չնախատեսված ապահովագրական դեպքերի վերաբերյալ վճարումները։

Ընկերության կողմից կազմված ռիսկերի գնահատման ինտերակտիվ քարտեզի վրա նշված են այս, կամ այն երկրի տնտեսության դեֆոլտի ռիսկի աստիճանը. А1-ը դեֆոլտի ռիսկի շատ ցածր աստիճան, А2 -ը՝ ցածր, А3-ը՝ ընդունելի, А4-ը՝ թույլատրելի, В -ն՝ համեմատաբար բարձր, C-ն՝ բարձր, D-ն՝ շատ բարձր, E-ն՝ էքստրեմալ։

Coface-ի գնահատմամբ՝ Կենտրոնական և Արևելյան Եվրոպայի երկրների խմբի մեջ մտնող Ադրբեջանը մտնում է B կատեգորիայի երկրների խմբի մեջ։ Ինչպես նաև գնահատվել են Բուլղարիայի, Իտալիայի, Խորվաթիայի, Սերբիայի և մի շարք այլ երկրների տնտեսությունները։ ԱՊՀ երկրներից նման բնութագիր են ստացել միայն Ղազախստանը և Ուզբեկստանը։

C կատեգորիային են դասվել Ռուսաստանը, Թուրքիան, Սաուդյան Արաբիան, Մեքսիկան, Բրազիլիան, Եգիպտոսը ու ևս մի շարք այլ երկրներ։ D կատեգորիայում են՝ Պակիստանը, Մյանման և աֆրիկյան երկրների մեծամասնությունը։

ԱՊՀ երկրների շարքում Ռուսաստանը, Բելառուսը, Վրաստանը և Մոլդովան ընդգրկվել են C կատեգորիայում իսկ Ուկրաինան, Ղրղզստանը, Տաջկաստանը, Թուրքմենստանը և Հայաստանը՝ D կատեգորիայում։

Եվ վերջապես դեֆոլտի ամենամեծ ռիսկով երկրներ են՝ Աֆղանստանը, Իրանը, Իրաքը, Սիրիան, Եմենը, Լիբանանը, Սուդանը, Վենեսուելան, Հյուսիսային Կորեան և Զիմբաբվեն։

Համավարակը դեռ շարունակում է ողջ աշխարհում իր մահաբեր հունձը, իսկ հետագայում ինչ կլինի, ոչ ոք չգիտի։ Բայց անհնար է չհամաձայնվել Միքաիլ Ջաբարովի կարծիքի հետ, որ Ադրբեջանի տնտեսությունը առաջին հարվածին պատվով դիմակայեց։

ARMENIA.AZ