Ադրբեջանցի պատգամավոր. «Հայկական բանակի կազմում լուրջ խնդիրներ են հասունացել»

29 Հունիսի 2020 - 12:21

Վերջին տարիներին Ադրբեջանը՝ տնտեսական զարգացման ցուցանիշներով առաջատար դիրք գրավելով տարածաշրջանում՝ շարունակում է շատ ոլորտներում ամրապնդել իր դիրքերը՝ հաջողությունների հասած պետությունների շարքում

Այդ մասին Armenia.Az-ին ասել է՝ Միլլի Մեջլիսի (խորհրդարան) պատգամավոր Քյամրամ Բայրամովը։

Պատգամավորը նշել է, որ բանակի կազմավորման ոլորտում նույնպես ձեռք են բերվել կարևոր ցուցանիշներ և հաջողություններ. «Այսօր Ադրբեջանը ամենաուժեղ, պատրաստված, ցանկացած խնդիր կատարելու ունակ բանակ ունեցող երկրներից մեկն է ոչ միայն Հարավային Կովկասում, այլ նաև հետխորհրդային տարածքում»։

Նա ընդգծել է, որ Ադրբեջանի նախագահ, Զինված ուժերի Գերագույն գլխավոր հրամանատար Իլհամ Ալիևի ուշադրության և հոգատարության շնորհիվ՝ բանակի նպատակաուղղված և հետևողական կառուցումը հասել է որակապես նոր մակարդակի. «Այսօր ադրբեջանական բանակը ունի բարձր մարտական պատրաստվածություն և ի վիճակի է կատարել ցանկացած առաջադրված խնդիր։ Մեր բանակը հագեցված է ամենաժամանակակից տեխնիկայով և սպառազինությամբ, ակտիվորեն զարգանում է երկրի պաշտպանական արդյունաբերությունը։ Ադրբեջանում արտադրվում է ռազմական նշանակության ավելի քան 1300 անուն ապրանք»։

Պատգամավորը հավելել է, որ, ունենալով բարձր բարոյահոգեբանական պատրաստվածություն՝ ադրբեջանական բանակը ի վիճակի է կարճ ժամանակահատվածում ազատագրել օկուպացված տարածքները, ինչը բացահայտ խոստովանում են միջազգային շրջանակներում, այդ թվում նաև Հայաստանում։ Դրա հետ մեկտեղ, օկուպանտ երկրին և համաշխարհային հանրությանը լավ հայտնի է, որ օկուպացված տարածքների ազատագրման համար Ադրբեջանը կարող է ցանկացած պահի սկսել ռազմական գործողություններ և տարածքները օպերատիվորեն մաքրել հակառակորդից:

Վերջում Բայրամովը հավելել է, որ այսօր Հայաստանում ոչ մի զարգացում չկա և երկիրը գտնվում է տնտեսական խորը ճգնաժամի մեջ. «Դա լրջորեն անդրադառնում է նրա բանակի վրա։ Զինված ուժերի հագեցումը շատ ցածր մակարդակի վրա է, զինծառայողները խուսափում են ծառայությունից, բանակում տիրում է կոռուպցիա և կաշառակերություն։ Միևնույն ժամանակ հայկական բանակի անձնակազմում նույնպես հասունացել են լուրջ խնդիրներ»։

ARMENIA.AZ