Ադրբեջանի խորհրդարանը երրորդ ընթերցմամբ հաստատել է՝ 2019 թվականի պետբյուջեի կատարման վերաբերյալ օրինագիծը

19 Հունիսի 2020 - 14:58

Ադրբեջանի Միլլի Մեջլիսը (խորհրդարան) ուրբաթ օրը, լիագումար նիստում երրորդ ընթերցմամբ հաստատել է՝ «2019 թվականի պետական բյուջեի կատարման մասին» օրինագիծը, փոխանցում է Armenia.Az-ը։

Ադրբեջանի պետբյուջեի եկամուտները 2019 թվականին կազմել են 24 մլրդ 218 մլն 61,691 հազ. մանաթ։ Եկամուտների կառուցվածքում հարկային նախարարության գծով մուտքերը կազմել են 7 մլրդ 672,3 մլն մանաթ, այդ թվում ոչ նավթային հատվածից՝ 5 մլրդ 432 մլն մանաթ, կամ գերատեսչության գծով բոլոր գանձումների 70,8%-ը։

Պետական մաքսային կոմիտեի գծով 2019 թվականին պետբյուջե մուտքերը կազմել են 4 մլրդ 408,6 մլն մանաթ։

Պետական նավթային հիմնադրամից պետբյուջե փոխանցումները կազմել են 11 մլրդ 364,3 մլն մանաթ, այլ եկամուտները՝ 129 մլն 337,506 հազ. մանաթ, բյուջետային կազմակերպությունների արտաբյուջետային եկամուտները՝ 578 մլն 879,795 մանաթ։

2019 թվականին պետբյուջեի ծախսերը կազմել են 24 մլրդ 425 մլն 913,957 հազ. մանաթ։ Դրանով հանդերձ, սոցիալական ծախսերը կազմել են 7 մլր. 761,3 մլն մանաթ, կամ անցյալ տարվա ընթացքում բոլոր ծախսերի 31,8%-ը։

Պետբյուջեի ընթացիկ ծախսերը 2019 թվականին կազմել են 13 մլրդ 528,9 մլն մանաթ, կամ պետբյուջեի բոլոր ծախսերի 55,4%-ը, կապիտալ ծախսերը՝ 9 մլրդ 372,2 մլն մանաթ (բոլոր ծախսերի 38,4%), պետական պարտքի և պարտավորություների սպասարկման ծախսերը՝ 1 մլրդ 524 մլն 774,509 հազ. մանաթ (բոլոր ծախսերի 6,2%)։

Այսպիսով, Ադրբեջանի պետբյուջեի պակասուրդը 2019 թվականին կազմել է 207 մլն 852,266 հազ. մանաթ, կամ ՀՆԱ-ի 0,3%-ը։

Պետբյուջեի 2019 թվականի եկամուտները հաստատվել են 23 մլր. 168 մլ. մանաթի չափսով, ծախսերը՝ 25 մլրդ 190 մլն մանաթ։ Պետբյուջեի պակասուրդը կանխատեսվել էր 2 մլրդ 22 մլն մանաթի մակարդակով։

ARMENIA.AZ