Ծնունդով ռուսաստանցի կինը կիսվել է ադրբեջանական Շուշա քաղաքի օկուպացման մասին հիշողություններով. Տեսանյութ

05 Հունիսի 2020 - 10:24

Հարկադիր վերաբնակ, Հայաստանի զինված ուժերի կողմից օկուպացված ադրբեջանական Շուշա քաղաքի բնակչուհի Նադեժդա Ալեքսեյի Կուլիևայի ամենամեծ երազանքն ազատագրումից հետո Լեռնային Ղարաբաղ վերադառնալն է: Նա պատրաստ է ոտքով հասնել հարազատ տուն:

«Պերմի մարզից մորս հետ հյուր էինք եկել քրոջս տուն: Այստեղ ես ծանոթացա ապագա ամուսնուս հետ: Շուտով ամուսնացանք և 1969 թվականին տեղափոխվեցինք Շուշա: Այնտեղ երեխաներ ունեցանք: Շուշան ինձ շատ դուր եկավ՝ գեղեցիկ բնություն, մզկիթներ, ձնածածկ լեռներ: Մենք լավ էինք ապրում: Իսկ հետո պատերազմ սկսվեց», - ասել է Նադեժդա Կուլիևան, տեղեկացնում է Armenia.Az-ը:

Նա պատմել է, որ ավագ որդին՝ Բախտիյարը, 1988 թվականին բանակից վերադարձել է Շուշա և միացել հարազատ քաղաքի պաշտպաններին:

«Հարազատ տունս լքեցի երեխաներիս հետ միասին: Ամուսինս մեզ նստեցրեց ավտոբուս: Ես կարծում էի, որ հետ ենք վերադառնալու: Շուշայում մնաց մեր մեծ այգին, 4 սենյականոց տունը: Ամուսինս մահացավ նոյեմբերին: Դեռ տարին չի լրացել: Մահից առաջ նա ինձ խնդրում էր իր հետ գնալ Շուշա: Ես նրան ասում էի, որ Շուշան զավթել են հայերը: Նա չէր հավատում ինձ: Որդիս՝ Բախտիյարը, կռվում էր: Նա զոհվեց մայիսի 3-ին, մեկ շաբաթ անց՝ մայիսի 10-ին ռազմական գործողությունները դադարեցվեցին», - ասել է նա:

Նադեժդա Կուլիևան մարդկանց խաղաղություն և երջանկություն է մաղթել: Նա երազում է, որ փախստականներն ու հարկադրաբար տեղահանվածների վերադառնան իրենց տուն: Նա պատրաստակամություն է հայտնել ոտքով գնալ Շուշա:

ARMENIA.AZ