MEDEF. «Ադրբեջանական և ֆրանսիական ընկերությունները համագործակցության իրական հնարավորություններ ունեն»

02 Հունիսի 2020 - 14:22

Ադրբեջանական և ֆրանսիական ընկերությունները՝ համագործակցության իրական հնարավորություններ ունեն առնվազն չորս ոլորտներում:

Այս մասին Armenia.Az-ին ասել է՝ MEDEF International-ի (Ֆրանսիայի ձեռնարկությունների շարժում) Եվրասիայի, Ասիայի ու Խաղաղօվկիանոսյան տարածաշրջանի և Էներգետիկայի գծով տնօրեն Բոգդան Գադեն-Ֆեերչակը:

«Ադրբեջանի իշխանությունները իրականացնում են տնտեսության դիվերսիֆիկացման հավակնոտ ծրագիր և հավատարիմ են արագացնելու բարեփոխումները: Համաշխարհային բանկի Doing Business (բիզնես վարել) զեկույցի համաձայն՝ 2019 թվականին Ադրբեջանը ներառվել է ռեֆորմատոր երկրների առաջին տասնյակում: Իմ կարծիքով, այս երկու դրական միտումները բացում են իրական հնարավորություններ համագործակցություն առնվազն չորս ոլորտներում. գյուղատնտեսություն՝ ուղղված նոր տեխնոլոգիաների ներդրման միջոցով մեխանիզացիայի և արտադրողականության բարելավմանը, հետնավթային դարաշրջանի նախապատրաստման համար «կանաչ էներգիայի» անցմանը և քաղաքային ենթակառուցվածքների ու ծառայությունների արդիականացմանը՝ ռեսուրսների արդյունավետ օգտագործման համար, տրանսպորտ և լոգիստիկա՝ երկրի աշխարհագրական դիրքի առավելագույնս օգտագործմա համար; թվային ոլորտը - քանի որ Ադրբեջանում իրականացվող բարեփոխումների գործընթացն ուղեկցվում է տեղեկատվական և թվային տեխնոլոգիաների ներդրմամբ», - ասել է Գադեն-Ֆեերչակը:

Նա հիշեցրել է, որ անցած տարի Ադրբեջանի պետական մարմինների ներկայացուցիչների հետ վերջին հանդիպումների ժամանակ, ինչպես նաև Ադրբեջանի տնտեսության նախարար Միքայիլ Ջաբբարովի հետ վերջին վեբ քննարկումների ընթացքում ընդգծվել է, որ ֆրանսիական ընկերությունների կողմից առաջարկված նախագծերում հաշվի են առնելու այնպիսի գործոններ, ինչպիսիք են երկարաժամկետ մոտեցում, ներուժի զարգացում և գիտելիքների ու տեխնոլոգիաների փոխանակում:

«Դա, անկասկած, կարևոր ասպեկտ է, որը կարող է որակապես բարելավել և ամրապնդել հարաբերությունները ֆրանսիական և ադրբեջանական ընկերությունների միջև», - հավելել է Գադեն-Ֆեերչակը:

ARMENIA.AZ