Նախագահ. «Ադրբեջանի կողմից ժամանակին ձեռնարկված միջոցառումների շնորհիվ մեր կորուստները նվազագույն են»

02 Հունիսի 2020 - 10:11

«Համավարակի ընթացքում մեր բոլոր ջանքերը ուղղված էին մարդկանց փրկելուն, նրանց առողջությունն ու կյանքը պաշտպանելուն: Ադրբեջանի կողմից Ժամանակին ձեռնարկված միջոցառումների շնորհիվ մեր կորուստները նվազագույն են:

Առողջապահության համաշխարհային կազմակերպության տվյալներով՝ Ադրբեջանը համավարակի դեմ պայքարում օրինակ է հանդիսանում: Մենք նաև մեծ միջոցներ ենք հատկացրել: Մենք ավելի քան երկու միլիարդ եվրո ենք հատկացրել՝ պանդեմիայից տուժած տնտեսության ոլորտներին, ինչպես նաև գործազուրկներին, իրենց աշխատանքը կորցրած, ցածր եկամուտ ունեցող, անգամ ոչ ֆորմալ զբաղվող մարդկանց աջակցության համար»:

Ինչպես տեղեկացնում է Аrmenia.Az-ը, այդ մասին հունիսի 1-ին՝ Ասիական զարգացման բանկի նախագահ Մասացուգու Ասակավայի, փոխնախագահ Շիքսին Չենի և բանկի ղեկավարության մյուս ներկայացուցիչների հետ անցկացվող տեսակոնֆերանսի շրջանակներում հայտարարել է՝ Ադրբեջանի նախագահ Իլհամ Ալիևը:

Մենք պայքարում ենք ոչ պաշտոնական զբաղվածության դեմ և լուրջ միջոցներ ենք ձեռնարկել: Միայն այս տարի ավելի քան հարյուր հազար պայմանագիր է ստորագրվել աշխատողների և ընկերությունների միջև: Բայց միևնույն ժամանակ, մենք հասկանում ենք, որ այդ մարդիկ տառապում են այս խնդրից: Այդ պատճառով 4 ամսվա ընթացքում մեր տնտեսական աճը շատ ցածր էր: Այդուհանդերձ, այն 0,2 տոկոս էր: Ես գիտեմ, որ ներկայումս շատ երկրներ, ցավոք, անկման մեջ են: Մենք չենք կրճատել ոչ մի սոցիալական նախագիծ, բոլորը մնում են մեր բյուջեում: Սակայն, այն նախագծերը, որոնք կարող են սպասել մեկ քանի տարի, կարող են որոշ չափով հետաձգվել: Կարծում եմ, որ, ընդհանուր առմամբ, Ադրբեջանը կլինի լավ արդյունքներ ցույց տվող երկրների շարքում:

Ինձ հայտնի է, որ շատ երկրներ, լսել եմ, որ դրանց թիվը ավելի քան 150 է, արդեն դիմել են միջազգային ֆինանսական ինստիտուտներին՝ ֆինանսական աջակցության համար: Ադրբեջանը չկա նրանց շարքում: Դուք գիտեք, որ մենք արժանիորեն կատարում ենք մեզ վստահված աշխատանքը, և մեր ծախսերը միշտ էլ ցածր են եղել շահույթից: Ես կասեի, որ մեր տնտեսական ամենակարևոր նպատակը պահուստների պահպանելն ու ավելացնելն է:

ARMENIA.AZ