Իլհամ Ալիև. Իմ աչքի առաջ հայերը զգաստ կանգնել էին Հեյդար Ալիևի դիմաց, ողջունում էին նրան

29 Մայիսի 2020 - 14:39

Իմ աչքի առաջ հայերը զգաստ կանգնել էին Հեյդար Ալիևի դիմաց, ողջունում էին նրան:

Ինչպես հայտնում է Armenia.Az-ը, այդ մասին՝ Գարադաղի շրջանում «Գոբու Պարկ-3» բնակելի համալիրի բացումից հետո՝ հարկադիր վերաբնակների հետ հանդիպմանը մասնավորապես ասել է նախագահ Իլհամ Ալիևը:

«Ես բազմիցս ասել եմ և ուզում եմ մեկ անգամ ևս ասել. Լեռնային Ղարաբաղի հարցը կարող է լուծվել միայն մեր երկրի տարածքային ամբողջականության շրջանակներում: Ես կրկին անգամ հայտարարում եմ. Լեռնային Ղարաբաղը Ադրբեջանն է, և բացականչական նշան: Բայց, համենայն դեպս, զբաղվելով այս խնդրով, ես ամեն անգամ վերադառնում եմ անցյալին, պատմությանը և հարցնում եմ. «Ինչո՞ւ մեր հողերը հայտնվեցին օկուպացման տակ, ինչպե՞ս եղավ, որ մենք չկարողացանք պաշտպանել այդ հողերը: Ինչպե՞ս եղավ, որ հայերը արտաքին աջակցության հաշվին օկուպացրեցին հողերը, մարդկանց վտարեցին հարազատ օջախներից: Ես գիտեմ այդ հարցերի պատասխանը, գիտի նաև ադրբեջանական ժողովուրդը:

Այդուհանդերձ, ես միշտ կարծում եմ, որ եթե Հեյդար Ալիևն այդ ժամանակ լիներ Ադրբեջանի իշխանության գլխին, ապա հակառակորդը չէր կարող օկուպացնել մեր հողի նույնիսկ մի թիզը, որովհետև նրա օրոք Ադրբեջանի կառավարությունն ուներ ամուր կամք Լեռնային Ղարաբաղում, որ ոչ մի հայ չէր կարող ձայն հանել: Ճիշտ է, նրանք գրեցին Մոսկվա, Քաղբյուրո, որ իբր նրանց տանջում են, կամ խտրականության են ենթարկում: Այս ամենը սուտ էր, որովհետև կան տնտեսական ցուցանիշներ, և դրանք ցույց են տալիս, որ Լեռնային Ղարաբաղում մարդիկ ապրել են ոչ ավելի վատ, քան նրանք, ովքեր ապրել են այլ հողերում՝ Ադրբեջանի շրջաններում», - ասել է նախագահ Իլհամ Ալիևը:

ARMENIA.AZ