Ադրբեջանի ԱԳՆ-ն պատասխանել է Հայաստանի ԱԳ նախարարության մեկնաբանությանը

22 Մայիսի 2020 - 10:10

Ադրբեջանի արտաքին գործերի նախարարության մամուլի ծառայության ղեկավար Լեյլա Աբդուլլաևան արձագանքել է Հայաստանի ԱԳՆ-ի մեկնաբանությանը՝ կապված այսպես կոչված «երդմնակալության արարողության հետ», որը ագրեսոր երկրի կողմից կազմակերպվել է Ադրբեջանի օկուպացված տարածքներում, տեղեկացնում է Armenia.Az-ը՝ վկայակոչելով ԱԳ նախարարության մամուլի ծառայությանը:

Նրա խոսքով, Հայաստանի ԱԳՆ-ն Ադրբեջանի օկուպացված հողերում կազմակերպված շոուն անվանում է «ժողովրդավարական գործընթաց», ինչը ոչ միայն բացահայտում է Հայաստանի օկուպանտ էությունը, այլև ցույց է տալիս, թե որքան հեռու է նա ժողովրդավարություն հասկացությունից:

«Այլ պետության միջազգայնորեն ճանաչված տարածքների օկուպացիան, այնտեղ բնակվող մարդկանց բռնի վտարումը, մարդու իրավունքների կոպիտ խախտումը ժամանակակից միջազգային իրավական լեզվով կոչվում է ագրեսիա, այլ ոչ թե ժողովրդավարություն», - ասել է նա:

ԱԳՆ ներկայացուցիչը հավելել է, որ ինչ վերաբերում է «ժողովուրդ» տերմինին, որին հղում է անում Հայաստանի ԱԳՆ-ն, Ադրբեջանի Լեռնային Ղարաբաղի մարզում բնակվող հայերը ժողովուրդ չեն, այլ այդ մարզում բնակվող հայկական համայնք:

«Այն փաստը, որ օկուպանտ երկիրը խոսում է խաղաղության մասին, երեսպաշտության գագաթնակետն է: Խաղաղություն ցանկացող երկիրը չի կարող վարել ագրեսիվ քաղաքականություն», - ընդգծել է Լեյլա Աբդուլլաևան:

ARMENIA.AZ