Իլհամ Ալիև. «Հայաստանում փողերը ծախսվում են ֆաշիստների հուշարձանների կառուցման վրա»

20 Մայիսի 2020 - 09:52

«Մինչ օրս պետությունը 7600 շեհիդների ընտանիքներին ապահովել է տներով ու բնակարաններով: Այս տարի շեհիդների ընտանիքներին տրամադրված բնակարանների և տների թիվը հասել է ռեկորդային մակարդակի. 1500 շեհիդների ընտանիքներին կտրամադրվեն տներ և բնակարաններ, այսպիսով, հաշվառման մեջ գտնվող շեհիդների ընտանիքների թիվը կկազմի առնվազն 2 հազար: Հուսով եմ, որ առավելագույնը երկու տարվա ընթացքում պետությունը բոլոր շեհիդների ընտանիքների կապահովի տներով»:

Ինչպես տեղեկացնում է Armenia.Az-ը, այս մասին՝ Բաքվի Նիզամիի շրջանում գտնվող թիվ 3 DOST կենտրոնի բացման արարողությանը հայտարարել է Ադրբեջանի նախագահ Իլհամ Ալիևը:

Պետության ղեկավարը նշել է, որ դրան զուգահեռ, տրամադրվում են նաև ավտոմեքենաներ՝ ինչպես շեհիդների ընտանիքներին, այնպես էլ ղարաբաղյան պատերազմի վետերաններին. «Մինչ օրս տրամադրվել է ավելի քան 6000 ավտոմեքենա, իսկ այս տարի նախատեսվում է տրամադրել 400 մեքենա: Կարող եմ ասել, որ Ադրբեջանը այս ոլորտում առաջատարն է: Աշխարհի շատ վայրերում տեղի են ունեցել պատերազմներ, հակամարտություններ, եղել են մարդկային զոհեր, իհարկե, ես չէի ցանկանա համեմատել Ադրբեջանը որևէ երկրի հետ, սակայն ճշմարտությունն այն է, որ Ադրբեջանում պետության կողմից՝ պատերազմից տուժած, հարազատներին կորցրած ընտանիքներին աջակցելը, իմ կարծիքով, ամենաբարձր մակարդակի վրա է»:

«Մեկ անգամ ևս ուզում եմ ասել. Ես չեմ ուզում համեմատել որևէ մեկի հետ, բայց տեսեք, Հայաստանում եղել են պատերազմում զոհվածներ: Արդյո՞ք նրանց ընտանիքներին տրամադրվում են բնակարաններ, ավտոեքենաներ, ոչ: Այնտեղ փողերը ծախսվում են ֆաշիստների հուշարձանների տեղադրման վրա: Իսկ մենք անցկացնում ենք և պետք է անցկացնենք այդ աշխատանքը: Դա մեր բարոյական պարտքն է: Իմ բազմաթիվ հանդիպումները շեհիդների ընտանիքների հետ, իհարկե, շատ կարևոր են ինչպես հասարակության, այնպես էլ շեհիդների ընտանիքների համար: Մենք գլուխ ենք խոնարհում շեհիդների հիշատակի առջև և պետք է գործով հաստատենք մեր խոսքերը: Դրա համար էլ արդեն տներ են տրամադրվել 7600 շեհիդների ընտանիքներին, այս տարի նրանց թիվը կհասնի 9 հազարի, ինչը մեր պրակտիկ աշխատանքի հիանալի արդյունքն է»,- նշել է նախագահը:

ARMENIA.AZ