Իլհամ Ալիև. «Ադրբեջանը կվերականգնի իր ինքնիշխանությունը և կան շատ գործոններ, որոնք հիմք են տալիս դա ասել»

14 Մայիսի 2020 - 09:55

Ադրբեջանը կվերականգնի իր ինքնիշխանությունը և կան շատ գործոններ, որոնք հիմք են տալիս դա ասել:

Ինչպես տեղեկացնում է Armenia.Az-ը, այս մասին հայտարարել է նախագահ Իլհամ Ալիևը, ով տեսակապի ձևաչափով ընդունել է Քելբաջարի շրջանի գործադիր իշխանության նորանշանակ ղեկավար Ազեր Գոջաևին:

«Ցավոք, Քելբաջարի տարածքում և այլ օկուպացված հողերում գտնվող բոլոր պատմական հուշարձաններն ավերվել կամ հրկիզվել են: Այդ թվում՝ ավերվել են Քելբաջարի տարածքում գտնվող ադրբեջանական ժողովրդի հին պատմական հուշարձանները: Սակայն, կգա մի օր և մենք կվերականգնենք բոլոր ավերված հուշարձանները, օկուպացված հողերի բոլոր ենթակառուցվածքները», - ասել է նախագահ Իլհամ Ալիևը:

Երկրի ղեկավարն ընդգծել է, որ Ադրբեջանն անպայման կվերականգնի իր ինքնիշխանությունը:

«Կան շատ գործոններ, որոնք հիմք են տալիս դա ասել: Այդ թվում՝ մեր միջազգային դիրքերի ամրությունը, համաշխարհային հանրության կողմից մեր երկրի տարածքային ամբողջականության ճանաչումը», - ասել է նախագահը:

Նրա խոսքով, վերջին տարիներին բոլոր միջազգային հեղինակավոր կազմակերպություններն իրենց ընդունած բանաձևերում և այլ փաստաթղթերում միանշանակորեն աջակցություն են հայտնում Ադրբեջանի տարածքային ամբողջականությանը:

«Համաշխարհային հանրությունը չճանաչեց օկուպացված հողերում անցկացված անօրինական ընտրությունները, ինչը հերթական հարված էր անջատողականների և նրանց հովանավոր ագրեսոր Հայաստանի դիրքերին:

Վստահ եմ, որ մեր աճող տնտեսական ներուժը, ռազմական հզորությունը, տարածաշրջանում աճող հեղինակությունը, բոլոր այս գործոնները կնպաստեն Ադրբեջանի տարածքային ամբողջականության վերականգնմանը», - ասել է Իլհամ Ալիևը:

ARMENIA.AZ