Ադրբեջանի Հաշվիչ պալատը կառավարություն կներկայացնի՝ 2020 թ. պետական բյուջեի պարամետրերի վերանայման վերաբերյալ առաջարկությունները

07 Ապրիլի 2020 - 14:58

Կորոնավիրուսի տարածմանը հակազդելու ուղղությամբ ձեռնարկված միջոցառումները կհանգեցնեն՝ Ադրբեջանում եկամուտների կրճատմանը և պետական բյուջեի ծախսերի ավելացմանը, ասել է Հաշվիչ պալատի նախագահ Վյուգար Գյուլմամեդովը:

«Կորոնավիրուսի տարածումը կանխելու ուղղությամբ ձեռնարկված կարանտինային միջոցառումների խստացումը կհանգեցնի՝ տնտեսական աճի տեմպերի, ինչպես նաև ոչ նավթային հատվածով պետական բյուջե մուտքագրվող հարկային եկամուտների նվազմանը: Ինչ վերաբերում է ծախսերին, ապա համավարակի դեմ պայքարի ուղղությամբ ձեռնարկված քայլերը կհանգեցնեն՝ լրացուցիչ բյուջետային ծախսերի կառուցվածքի փոփոխության և սա իր հերթին անհրաժեշտ է դարձնում վերանայել պետական բյուջեի պարամետրերը», - ԱզերԹաջ պետական գործակալությանը տված հարցազրույցում ասել է Գյուլմամեդովը, տեղաեկացնում է Аrmenia.Az-ը:

Հաշվիչ պալատի ղեկավարը համարում է, որ ստեղծված իրավիճակում անհրաժեշտ է վերանայել եկամուտների, ներառյալ հարկերի վերաբերյալ կանխատեսումները, բացառությամբ գույքի և հողի հարկերի վճարումների:

«Եկամուտների սահմանափակումը և ավելացող ծախսերը փաստում են՝ ժամանակավոր օրենսդրությամբ նախատեսված բյուջեի նոր կանոնը կիրառելուց հրաժարվելը: Չնայած նրան, որ բարձրագույն աուդիտորական մարմինները համարվում են հարկաբյուջետային կարգապահության հետևորդներ, այս իրավիճակում մենք կողմ ենք դրա որոշակի թուլացմանը: Ադրբեջանի համար ես կարծում եմ, որ առաջին քայլը կլինի բյուջեի ծախսերի հասցեականության բարձրացումը` բնակչության զգայուն խմբերի համար նպաստների շարունակական վճարումը», - ասել է նա:

ARMENIA.AZ