Ադրբեջանի քաղաքացիներին արգելել են փողոց դուրս գալ

31 Մարտի 2020 - 10:21

Ադրբեջանում, կորոնավիրուսի տարածման սպառնալիքի պատճառով, մարտի 31-ի ժամը 00.00-ից մինչև ապրիլի 20-ի 00.00-ն դադարեցվում է բոլոր ոլորտների գործունեությունը՝ բացառությամբ կենսապահովման ոլորտների, հայտնում է Ադրբեջանի Նախարարների կաբինետին առընթեր օպերատիվ շտաբը, տեղեկացնում է Аrmenia.Az- ը:

Շտաբի որոշման համաձայն, այդ ժամանակահատվածում թույլատրվում է հետևյալ կառույցների գործունեությունը. կառավարության կողմից սահմանված. առողջապահության և սոցիալական ծառայությունների օբյեկտները. կոմունալ ծառայությունների և կապի օբյեկտները. որոշ տրանսպորտային օբյեկտները (ներառյալ լոգիստիկ ծառայությունները, հասարակական տրանսպորտը, տաքսիները, բոլոր տեսակի բեռների փոխադրումներով զբաղվող ընկերությունները), հիմնական արտադրական ոլորտները, մեծածախ և մանրածախ առևտրի օբյեկտները (ներառյալ բենզալցակայանները, դեղատները, շինանյութերի և կենցաղային իրերի վաճառքի կետերը), որոշ կենցաղային ծառայությունների օբյեկտները, ԶԼՄ-ները, ֆինանսական կազմակերպությունները, առաքման և ախտահանման ծառայությունները:

«Մարդկանց միջև շփումները նվազագույնի հասցնելու և դրանով կորոնավիրուսի տարածումը նշվածների վրա նվազեցնելու համար, սահմանվել է արգելք՝ հաճախորդների սպասարկման համար առևտրի և հանրային սննդի բոլոր օբյեկտներում, ներառյալ ռեստորանները, սրճարանները և թեյատները, (բացառությամբ սուպերմարկետների, պարենային ապրանքների խանութների և դեղատների, կանչերի ծառայությունների և առցանց պատվերների առաքում)», - ասված է շտաբի հաղորդագրության մեջ:

ARMENIA.AZ