Ադրբեջանում բացվել է «Ղարաբաղ» նոր նավթային հանքավայրը

19 Մարտի 2020 - 14:12

SOCAR-ը և նորվեգական Equinor ընկերությունը հաստատել են՝ Կասպից ծովի ադրբեջանական հատվածում՝ Բաքվից 120 կմ արևելքում «Ղարաբաղ» հանքավայրի բացումը:

Այդ մասին հայտնում է Armenia.Az-ը՝ վկայակոչելով SOCAR-ին:

Նշվում է, որ «Ղարաբաղ» հանքավայրում առաջին գնահատման հորատանցքի հորատումը սկսվել է 2019 թվականի դեկտեմբերի 23-ին: Այս հորատանցքը հորատվել է CDC ընկերութան կողմից՝ «Դեդե Գորգուդ» լողացող հորատման կայանքի օգնությամբ՝ 180 մ խորության վրա: Հանքավայրի արդյունավետ շերտերը գտնվում են 3,4 կմ խորության վրա: Նախնական գնահատումների համաձայն՝ հանքավայրում հայտնաբերված նավթի և գազի ծավալները բավարար են մշակման տնտեսական արդյունավետության համար:

SOCAR-ի նախագահ Ռովնագ Աբդուլաևը հայտարարել է, որ «Ղարաբաղ»-ը հանդիսանում է՝ անկախության ժամանակահատվածում բացված առաջին նավթային հանքավայրը: «Նախնական գնահատումների համաձայն, հանքավայրի երկրաբանական պաշարները գերազանցում են 60 միլիոն տոննա նավթը: «Ղարաբաղ» հանքավայրի մշակումը նշանակալի ավանդ կներդնի՝ Ադրբեջանի նավթային եկամուտների մեջ»:

«Ղարաբաղ» հեռանկարային ծովային կառույցը հայտնաբերվել է 1959 թվականին՝ սեյսմիկ հետախուզական աշխատանքների արդյունքում, նավթի և գազի պաշարները ճշտվել են 1984 թ. և հաստատվել 1997-1998 թվականներին: Հանքավայրը գտնվում է 150-200 մ խորության վրա:

Caspian International Petroleum Company (CIPCO) կողմից կառավարվող կոնսորցիում՝ «Ղարաբաղ»-ի վերաբերյալ գործնական բաժանման մասին 1995 թ. կնքված պայմանագրի համաձայն՝ հորատել է 3 հետախուզական հորատանցք: Երկու հորատանցքերի հորատումը հաստատել է, որ կառույցի հարավարևելյան մասում շերտները հագեցված են գազով, մեկ հանքավայրերում հաստատվել է կառույցի նավթով և գազով հագեցվածությունը: Պայմանագիրը չեղյալ է հայտարարվել 1999 թվականին՝ որպես տնտեսապես անարդյունավետ նախագիծ:

ARMENIA.AZ