Իլհամ Ալիև. Այս երկաթուղային ճանապարհի շինարարությունը դրականորեն կազդի քաղաքային տրանսպորտի վրա

19 Մարտի 2020 - 10:26

«Սրտանց շնորհավորում եմ Ձեզ՝ գալիք Նովրուզ Բայրամի տոնի առթիվ, նորանոր հաջողություններ եմ մաղթում ձեզ։ Տոնի նախօրեին պատրաստ է շահագործման՝ Բաքվու քաղաքի կարևորագույն տրանսպորտային նախագծերից մեկը հանդիսացող՝ օղակաձև երկաթգիծը։ Այն կսպասարկի, ինչպես բաքվեցիներին, այնպես էլ Սումգայիթի, Աբշերոնի շրջանի բնակիչներին։ Ընդհանուր առմամբ այդ հնարավորությունից կօգտվեն միլիոնավոր մարդիկ։ Այսպիսով, ավարտվել է մեր քաղաքի և Աբշերոնի թերակղզու կարևորագույն տրանսպորտային նախագիծը հանդիսացող օղակաձև գծի շինարարությունը»։

Ինչպես փոխանցում է Armenia.Az-ը, այդ մասին՝ Աբշերոնի օղակաձև երկաթուղային ճանապարհի՝ Փիրշաղի-Գյորադիլ-Նովխանը-Սումգայիթ հատվածի վերակառուցումից հետո, մարտի 18-ին բացման ժամանակ ասել է նախագահ Իլհամ Ալիևը։

«Տվյալ գծի երկարությունը մեկ ուղղությամբ կազմում է 91 կիլոմետր, ընդհանուր առմամբ ապահովվել է գրեթե 200 կիլոմետր երկարությամբ երկաթգծի անցկացումը։ Սա կրկին անգամ վկայում է այն մասին, որ իրագործելով նման խոշոր նախագծերը՝ Ադրբեջանի պետությունը շարունակում է իր սոցիալական քաղաքականությունը։ Որովհետև օղակաձև ճանապարհի շինարարության մեջ ներդրված միջոցները բյուջե կվերադառնան, հնարավոր է 100 տարի հետո, քանզի մեզ մոտ երկաթուղային սակագները շատ ցածր են։ Մեր հիմնական նպատակը կայանում է՝ մարդկանց համար լավ հնարավորություններ, հարմարավետ պայմաններ ստեղծելու մեջ։

Այս երկաթուղային ճանապարհի շինարարությունը դրականորեն կազդի նաև քաղաքային տրանսպորտի վրա՝ կկրճատվեն խցանումները, ավտոմոբիլային ճանապարհների ծանրաբեռնվածությունը, կբարելավվի էկոլոգիական վիճակը Բաքվում և Սումգայիթում, Աբշերոնի շրջանում, քանի որ օդի ախտոտման ամենամեծ գործոնն է հանդիսանում հատկապես տրանսպորտը։ Կկրճատվի ավտոբուսների պահանջարկը, ներկա ժամանակ որոշ երթուղիներում գործող ավտոբուսները կտեղափոխվեն այլ երթուղիներ»,- հավելել է պետության ղեկավարը։

ARMENIA.AZ