Իլհամ Ալիևը դիմել է ժողովրդին՝ կապված կորոնավիրուսի տարածման սպառնալիքի հետ

18 Մարտի 2020 - 16:09

Ներկայիս պայմաններում շատ կարևոր է երկաթուղային վագոնների ախտահանումը: Դրան պետք է հատուկ ուշադրություն դարձնել: Որովհետև այսօր ողջ աշխարհն է տուժում կորոնավիրուսից:

Ինչպես տեղեկացնում է Аrmenia.Az-ը, այս մասին հայտարարել է Ադրբեջանի նախագահ Իլհամ Ալիևը՝ նոր հիմնանորոգված Փիրշաղի-Գորադիլ-Նովխանը-Սումգայիթ օղակաձև երկաթուղային գծի բացման արարողության ժամանակ:

Նախագահն ընդգծել է, որ Ադրբեջանն անհրաժեշտ միջոցներ է ձեռնարկում կորոնավիրուսի կանխարգելման համար:

«Հենց դրա շնորհիվ է, որ այսօր կորոնավիրուսը լայն տարածում չի գտել մեր երկրում: Սակայն, աշխարհի որևէ երկիր չի կարող այս վարակից իրեն լիովին ապահովագրված համարել: Մենք տեսնում ենք, որ ճգնաժամի մեջ են նույնիսկ ամենազարգացած երկրները», - ասել է երկրի ղեկավարը:

Իլհամ Ալիևն ընդգծել է, որ յուրաքանչյուր քաղաքացի պետք է պատասխանատվություն ցուցաբերի այս հարցում և հետևի իր անձնական հիգիենայի պահպանմանը:

«Միաժամանակ այն կառույցները, որոնք զբաղվում են հասարակական գործերով, տրանսպորտով, նույնպես պետք է մեծ պատասխանատվությամբ վերաբերվեն իրենց պարտականությունների կատարմանը:

Ներկայումս մեր պետական սահմանները փակ են: Սակայն, բեռնափոխադրումների համար բաց են բոլոր երկրների սահմանները: Վստահ եմ, որ մեր պետությունն ու ժողովուրդը կհաղթահարեն այս փորձությունը», - ասել է Ադրբեջանի նախագահը:

ARMENIA.AZ