Ադրբեջանի ԱԳՆ-ը նախազգուշացրել է երկրի քաղաքացիներին

16 Մարտի 2020 - 12:49

Հաշվի առնելով աշխարհում COVID-19 վարակի լայն տարածումը և այդ կապակցությամբ անհետաձգելի միջոցառումները, այդ թվում մի շարք երկրներում արտակարգ դրություն հայտարարվելը, Արտաքին գործերի նախարարությունը խստորեն խորհուրդ է տալիս, որպեսզի Ադրբեջանի քաղաքացիները զերծ մնան արտասահման մեկնելուց և երկիրը լքեն միայն լուրջ անհրաժեշտության դեպքում:

Այս մասին հայտնում է Armenia.Az-ը՝ վկայակոչելով Ադրբեջանի արտաքին գործերի նախարարությանը:

Քաղաքացիներին ուղղված դիմումում նաև նշվում է. «Մենք խնդրում ենք մեր քաղաքացիներին կարդալ՝ Առողջապահության համաշխարհային կազմակերպության (ԱՀԿ) տեղեկատվությունը այս հարցի վերաբերյալ և հետևել ԱՀԿ-ի՝ նոր կորոնավիրուսից պաշտպանվելու վերաբերյալ հանձնարարկաններին»:

Ներկայումս Ադրբեջանի կառավարությունը լուրջ միջոցներ է ձեռնարկում` կանխելու COVID-19 վարակի տարածումը, և այդ միջոցառումների վերաբերյալ տեղեկատվությունը` երկրի բոլոր քաղաքացիների առողջությունը ապահովելու համար, լինի դա Ադրբեջանում, թե արտերկրում, պարբերաբար տարածվում է Ադրբեջանի Նախարարների կաբինետին առընթեր օպերատիվ շտաբի կողմից:

«Մենք մեր քաղաքացիներին խնդրում ենք՝ պահպանել այն երկրներում, որտեղ նրանք գտնվում են ներկայումս, COVID-19 վիրուսի համար սահմանված կարանտինի կանոնները, հետևել՝ այդ երկրներում Ադրբեջանի դեսպանատների և հյուպատոսությունների կողմից տրամադրված տեղեկատվությանը և ցանկացած խնդրի հետ ընդհարվելու դեպքում՝ կապվել մեր դիվանագիտական ներկայացուցչությունների հետ», - ասվում է հաղորդագրությունում:

ARMENIA.AZ