Բերդիմուհամեդով. «Բաքուն և Աշխաբադը որոշել են համագործակցության կոնկրետ ուղղությունները»

11 Մարտի 2020 - 16:32

Բաքուն և Աշխաբադը որոշել են համագործակցության կոնկրետ ուղղությունները, հայտարարել է Թուրքմենստանի նախագահ Գուրբանգուլու Բերդիմուհամեդովը:

«Բարձր մակարդակով անցկացված բանակցությունների շրջանակներում քննարկվել են՝ երկկողմ հարաբերությունների վիճակը և հեռանկարները, փոխադարձ հետաքրքրություն ներկայացնող տարածաշրջանային և միջազգային քաղաքականության հարցեր և որոշվել են համագործակցության կոնկրետ ոլորտները», - չորեքշաբթի Բաքվում՝ Ադրբեջանի նախագահ Իլհամ Ալիևի հետ բարձր մակարդակով բանակցությունների արդյունքների վերաբերյալ հայտարարել է Բերդիմուհամեդովը, հայտնում է Թուրքմենստանի առաջնորդի կայքը, տեղեկացնում է Armenia.Az-ը:

Նա հայտնել է նաև, որ հանդիպման շրջանակներում քննարկվել են՝ երկկողմ առևտրատնտեսական գործընկերության հարցեր, դրա ընդլայնման և դիվերսիֆիկացման փոխադարձ պատրաստակամություն է հայտնվել:

«Առաջնահերթ ոլորտների շարքում նշվել են՝ էներգետիկան, տրանսպորտը և ենթակառույցները, ագրոարդյունաբերական համալիրը, քիմիական և տեքստիլ արդյունաբերությունը, շինարարությունը, տեխնոլոգիան, սպասարկման ոլորտը և մի շարք այլ ոլորտներ», - ասել է Բերդիմուհամեդովը:

Նա նաև նշել է, որ պայմանավորվածություն է ձեռք բերվել նաև երկու պետությունների տարածքներով՝ Արևելք-Արևմուտք գծի երկայնքով տրանսպորտային և տարանցիկ միջանցքներ ստեղծելու ուղղությամբ ջանքերը համակարգելու և Կասպից ծովում երկու երկրների նավահանգստային ենթակառուցվածքների օգտագործման միջոցով՝ ավտոմոբիլային և երկաթուղային լաստանավային ծառայություններ ստեղծելու համար:

«Էներգետիկ և տրանսպորտային հոսքերը դիվերսիֆիկացնելու առումով հնարավորությունները կօգտագործվեն` երկու երկրների ներուժն առավելագույնս իրագործելու և համատեղ նախագծեր իրականացնելու համար », -նշել է Թուրքմենստանի նախագահը:

ARMENIA.AZ