Ադրբեջանում կաշառակերության համար ձերբակալվել է քոլեջի ղեկավարությունը

21 Փետրվարի 2020 - 10:39

Ադրբեջանի կրթության նախարարությունը և Գլխավոր դատախազությունը համատեղ հայտարարություն են տարածել՝ Բարդայի կառավարման և տեխնոլոգիաների պետական քոլեջի տնօրեն Խալեդդին Ալեքբերովի և նրա տեղակալ Իլգար Դուրսունովի կալանավորման մասին:

Armenia.Az-ի փոխանցմամբ, հայտարարության մեջ ասվում է, որ շարունակվում է վճռական պայքարը ապօրինի գործողությունների դեմ, որը ստվեր է գցում կրթության ոլորտում պետության կողմից տարվող քաղաքականության վրա:

«Բարդայի կառավարման և տեխնիկայի պետական քոլեջի տնօրենի ապօրինի գործողությունների վերաբերյալ ստացված տեղեկատվության համաձայն՝ Գլխավոր դատախազին առընթեր կոռուպցիայի դեմ պայքարի գլխավոր վարչության աշխատակիցների և կրթության նախարարության աշխատակիցների մասնակցությամբ, անցկացվել են օպերատիվ-քննչական միջոցառումներ:
Հաստատվել է, որ քոլեջի տնօրեն Խալեդդին Ալեքբերովը, իր տեղակալ Իլգար Դուրսունովի օգնությամբ, զանգվածաբար կաշառք է վերցրել ուսանողներից` ձմեռային սեսիայի քննությունները հաջողությամբ հանձնելու համար, կեղծելով՝ դասախոսություններին ուսանողների մասնակցության, մյուս ուսումնական հաստատություններից տեղափոխվելու մասին տվյալները և այլն: Նա նաև սակագին է սահմանել՝ դասերին չներկայանալու համար ամսական թույլտվության համար:

Փաստի կապակցությամբ՝ Գլխավոր դատախազին առընթեր կոռուպցիայի դեմ պայքարի գլխավոր վարչությունում քրեական գործ է հարուցվել՝ Ադրբեջանի Հանրապետության քրեական օրենսգրքի՝ 311.3.1-րդ հոդվածներով («Նախնական համաձայնությամբ մի խումբ անձանց կողմից կաշառք վերցնելու») և 311.3.2-ը («Բազմիցս անգամ կաշառք ստանալու»)

ARMENIA.AZ