«Ադրբեջանի բանակը՝ Ռուսաստանի և Թուրքիայի ԶՈւ-ից հետո հանդիսանում է տարածաշրջանում ուժեղագույն բանակը» - ԿԱՐԾԻՔ

14 Փետրվարի 2020 - 16:59

Ադրբեջանը զինված ուժերի տեխնիկական հագեցվածությամբ և կապիտալ ներդրումների մակարդակով զգալիորեն գերազանցում է Հայաստանին։

Այդ մասին ասել է՝ ռազմաքաղաքական վերլուծաբան, ՌԴ Ռազմական գիտությունների ակադեմիայի պրոֆեսոր Ալեքսանդր Տիխանսկին, տեղեկացնում է Armenia.Az-ը։

Վերլուծաբանը նշել է, որ 2003 թվականին 135 միլիոն դոլար կազմած Բաքվի ռազմական ծախսերը աճել են մինչև 1,7 մլրդ դոլար (կա մինչև 2 միլիարդի մասին տեղեկություններ). «Տեխնիկայի գնումների գագաթնակետին (իսկ դա դեռ 2013 թվականին) Ադրբեջանը իր բանակի վրա ծախսել է 3,7 միլիարդ դոլար։ Համեմատության համար. Հայաստանի այս տարվա ողջ պետբյուջեի ծախսային մասը կազմել է 2,6 միլիարդ դոլար։ Եթե հաշվի առնել այնպիս ցուցանիշները, ինչպես. թվաքանակը, սպառազինության և ռազմական տեխնիկայի քանակը և որակը, նյութատեխնիկական ապահովվածությունը, զորահավաքային պատրաստվածությունը, զինված ուժերի անձնակազմի բարոյահոգեբանական վիճակը, ապա Ադրբեջանի բանակը հանդիսանում է տարածաշրջանում Ռուսաստանից և Թուրքիայից հետո հզորագույնը»։

Փորձագետի խոսքով, ադրբեջանական բանակի սպառազինությունը վերջին տարիներին զգալիորեն նորացվել է, այդ թվում նաև շնորհիվ Ռուսաստանից զանգվածային մատակարարումների. «Մասնավուրապես, 2010-2014 թվականներին (գնումների գագաթնակետում) ձեռք են բերվել՝ 100 Տ-90Ս տանկ (կա նաև նման 94 մեքենաների տարբերակ) և 100 միավոր ՀՄՄ-3, 18 միավոր ԻՀՄ 2Ս19Մ1 «Մստա-Ս», 18 միավոր ՀԿՀՀ 9Ա52 «Սմերչ» և 18 միավոր ՏՕՍ-1Ա «Սոլնցեպեկ» ծանր հրանետային համակարգեր, ինչպես նաև 1500 հրթիռներից բաղկացած մարտական հավաքածույով 300 միավոր ՇԶՀՀ «Իգլա-Ս»։ Բացի դրանից, ադրբեջանական բանակը Ռուսաստանից ստացել է ինժեներա-սակրային լուրջ տեխնիկա և սարքավորումներ, որոնք նախատեսված են շփման գծում բանակի էշելոնային պաշտպանության տեղամասերը հաղթահարելու համար։

ՀՕՊ զորքերը Ռուսաստանից ստացել են երկու միավոր Ս-300ՊՄՈւ-2 «Ֆավորիտ» զենիթահռթիրային համակարգեր և «Տոր-Մ2Է» զենիթային համակարգի մի քանի մարտկոցներ։ ՌՕՈւ-ն ստացել է 60 միավոր ՄԻ-17 տեսակի տրանսպորտային և Մի-35Մ տեսակի հարվածային ուղղաթիռներ։ Չպետք է մոռանալ նաև Ռուսաստանի և Բելառուսի կոոպերացիաների մասին։ Բելառուսի և Ադրբեջանի մասշտաբային ռազմատեխնիկական համագործակցության սկիզբը եղել է դեռ 2005 թվականը, երբ Բաքուն ստացել է առաջին արդիականացված Տ-72 տանկեր։ Այդ ժամանակ Բելառուսը պատվիրատուին է փոխանցել 153 միավոր Տ-72 տանկ, 9 հատ 203 մմ տրամաչափի 2Ս7 «Պիոն» ինքնաշարժ հրետանային մարտկոցներ, 30 հատ 152 մմ տրամաչափի Դ-20 բուքսիրային հաուբից, 11 միավոր Սու-25 գրոհիչ ինքնաթիռ, «Բուկ-ՄԲ» տեսակի երկու դիվիզիոնային զենիթահռթիռային համակարգ, ինչպես նաև բելառուսա-ուկրաինական (տվյալ նախագծում բելառուսական «Պելենգ» ԲԲԸ-ն մատակարարում է տեղորոշիչ համակարգ) արտադրության «Սկիֆ» տեսակի հակատանկային հռթիռային համակարգեր։ Չնայած բացառությամբ «Սկիֆ»-ների և Մինսկի ու Կիևի համատեղ ջանքերով արդիականացված «Բուկ»-երի, տեխնիկայի մեծ մասը եղել է խորհրդային արտադրության և մատակարարվել են պահեստներից, այն նույնպես հագեցվել է կառավարման և նշանառության ժամանակակից օպտիկա-էլեկտրոնային համակարգերով։ Վերջին ժամանակներում Ադրբեջանը զգալիորեն ավելացրել է Մինսկից սպառազինության գնումները։ Մասնավորապես, մոտիկ և միջին հեռավորության ամենահզոր հռթիռային համակարգերից մեկը՝ «Պոլոնեզը» ձեռք է բերվել հատկապես Բելառուսից»։

Քաղաքագետի կարծիքով, չարժե չափազանցեցնել սպառազինության առանձին համակարգերի նշանակությունը. «Հայաստանում ՕՄՀ «Իսկանդեր»-ի հայտնվելը հանդիսանում է՝ ի պատասխան Ադրբեջանի կողմից ՀԿՀՀ «Պոլոնեզ»-ի ձեռք բերմանը։ Չնայած պետք է խոստովանել, որ Ադրբեջանի տնտեսական առավելությունների ուժով նրա բանակի նյութատեխնիկական հնարավորությունները գտնվում են առավել բարձր մակարդակի վրա, սկսած ՌՕՈւ-ից մինչև մոտոհրաձգային ստորաբաժանումները՝ Հայաստանի բանակը օբյեկտիվորեն զիջում է ժամանակակից տեխնիկայի ապահովման հարցում։ Հայաստանի տանկերի ընդհանուր թիվը գերազանցում է 400-ը։ Նրանցից ամենաժամանակակիցը հանդիսանում է արդիականացված Տ-72-ը։ Առավել լուրջ է հանդիսանում զրհապատ մարտական մեքենաների մյուս դասի ԲՏՌ-ների և ԲՄՊ-ների չափանիշների և քանակի միջև ճեղքվածքը։ Ընդհանուր առմամբ, տարբեր գնահատումների համաձայն՝ Հայաստանի զինված ուժերը տիրապետում են մոտավորապես 500 զրահապատ մարտական մեքենաների (ԶՄՄ), սակայն դրանցից ամենաարդիականը՝ ԲՄՊ-2 և ԲՏՐ-80-ն են։

ARMENIA.AZ