Սամեդ Սեյիդով. Հարկ է խորհել Եվրոպայի Խորհրդի ճակատագրի շուրջ

28 Հունվարի 2020 - 10:17

Եվրոպայի Խորհրդում ճգնաժամ է տիրում, պետք է խորհել այդ կառույցի ապագայի շուրջ:

Ինչպես տեղեկացնում է Аrmenia.Az-ը, այս մասին Ստրասբուրգում ԵԽԽՎ ձմեռային նստաշրջանի շրջանակներում ասել է Միլլի Մեջլիսի միջազգային հարաբերությունների և միջխորհրդարանական կապերի հանձնաժողովի նախագահ, Եվրոպայի Խորհրդի Խորհրդարանական Վեհաժողովում (ԵԽԽՎ) ադրբեջանական պատվիրակության ղեկավար Սամեդ Սեյիդովը:

«Այսօր առավոտյան բախվեցի մի իրավիճակի, երբ վիճարկվում են 8 երկրների պատվիրակությունների լիազորությունները: Սա վկայում է այն մասին, որ հիմա մենք ճգնաժամ ենք վերապրում: Դրա հիմնական պատճառն այն է, որ անդամ պետությունների միջև փոխադարձ հարգանքի և փոխըմբռնման ներկա մակարդակը բավարար չէ: Մի քանի րոպե սրանից առաջ Հայաստանի ներկայացուցիչը իմ երկրի հասցեին հնչեցրեց անթույլատրելի խոսքեր: Խոսքը գնում է մի երկրի ներկայացուցչի մասին, որն օկուպացրել է հարևան երկրի տարածքները, զանգվածային ջարդեր է կազմակերպել այնտեղ՝ սպանելով կանանց, երեխաների», - ասել է նա:

Խոսելով Ադրբեջանի վերաբերյալ զեկույցի մասին՝ Սամեդ Սեյիդովը նշել է, որ զեկույցի հեղինակն իր կարծիքը հայտնել է կազմակերպության համար անթույլատրելի տոնով:

«Եթե դուք ընդունակ չեք հարգել ուրիշներին, ապա ճգնաժամը գնալով խորանալու է: Դրա համար էլ ես իմ գործընկերներին կոչ եմ անում զերծ մնալ նման պահվածքից: Մենք պետք է խորհենք կազմակերպության ապագայի շուրջ», - ասել է Սեյիդովը:

ARMENIA.AZ