Ադրբեջանցի զինվոր. «Շուտով մեր հողերը կազատագրվեն օկուպացիայից»

27 Հունվարի 2020 - 15:48

«Զինվորական ծառայության նկատմամբ իմ հետաքրքրությունը ծագել է դեռևս մանուկ հասակում, երբ իհայրս՝ ղարաբաղյան պատերազմի մասնակիցը ինձ պատմեց իր ապրումների, խաղաղ բնակչության դեմ հայերի վայրենությունների մասին։ Հայրս հաճախ էր կրկնում, որ սպասում է Գերագույն գլխավոր հրամանատարի հրամանին, որպեսզի նորից ընդունվի ադրբեջանական բանակի շարքերը։ Երբ ինձ բանակ զորակոչեցին, նա ճանապարհ դրեց ինձ հետևյալ խոսքերով. «Գնա և արժանավայել ծառայի։ Շուտով մեր հողերը կազատագրվեն օկուպացիայից։ Հույս ունեմ, որ դու ավանդ կներդնես այդ պատմական հաղթանակում»։

Այդ մասին պատմել է առաջնագծի N զորամասում ծառայող զինվոր Նաջիմ Մեջիդզադեն, տեղեկացնում է Armenia.Az-ը՝ վկայակոչելով Armiya.Az -ին։

«Ծառայության ժամանակ մենք յուրացնում ենք ռազմական գործի գաղտնիքները, բարելավվում ենք մեր ֆիզիկական պատրաստվածությունը, ընդլայնում ենք տեսական և գործնական գիտելիքները։ Ամենից շատ ես սիրում եմ տակտիկական նախապատրաստվածության և հրաձգության դասընթացները։ Բարձրագույն հրամանատարությունը նույնպես մեծ ուշադրություն է հատկացնում այդ դասընթացներին։ Դրա շնորհիվ մենք լավ արդյունքներ ենք ցուցադրում զորավարժությունների ժամանակ։

Դեկտեմբերի վերջին՝ Նոր տարվա և Ադրբեջանցիների համերաշխության օրվա առթիվ մեր զորամաս այցելեց պաշտպանության նախարարը։ Այդ օրը ընդմիշտ կմնա իմ հիշողության մեջ։ Նախարարության ներկայացուցիչները ծանոթացան զինծառայողների սոցիալ-կենցաղային պայմաններին, հետաքրքրվեցին մեր խնդիրներով և ցանկություններով։ Անշուշտ, այս ամենը ոգեշնչեց անձնակազմին։ Մենք միշտ զգում ենք մեր հրամանատարների, բարձրագույն հրամանատարության և պետության հոգատարությունն ու աջակցությունը։ Հետևաբար մենք պատրաստ ենք անել ամեն հնարավորը, որպեսզի ադրբեջանական դրոշը բարձրացնենք Ղարաբաղում», -ասել է Նաջմի Մեջիդզադեն։

ARMENIA.AZ