Իլհամ Ալիև. «Ադրբեջանը կուժեղացնի համագործակցությունը ՕՊԵԿ-ի հետ»

22 Հունվարի 2020 - 12:02

Ադրբեջանի նախագահ Իլհամ Ալիևը կոչ է արել OPEC + երկրներին՝ պահպանել նավթի արդյունահանման կրճատման վերաբերյալ պայմանավորվածությունները:

Ի.Ալիևը նման կարծիք է հայտնել երեքշաբթի՝ Դավոսում ՕՊԵԿ-ի գլխավոր քարտուղար Մոհամմեդ Բարկինդոյի հետ հանդիպմանը, հայտնում է Ադրբեջանի նախագահի կայքը, տեղեկացնում է Аrmenia.Az-ը:

«Մենք իրոք ստեղծել ենք համագործակցության յուրահատուկ ձևաչափ: Ես հավատում եմ, որ չկա մեկ այլ միջազգային կազմակերպություն, որն ունենա այս ձևաչափը, և ոչ միայն ձևաչափ, այլև միևնույն ժամանակ արդյունավետորեն կատարի որոշումները: Երբեմն դժվար է համաձայնության գալ նույնիսկ կազմակերպության շրջանակներում: Սակայն, ՕՊԵԿ-ի անդամ հանդիսացող և չհանդիսացող երկրները, խոշոր և փոքր նավթարդյունահանողները միավորվել են», - ասել է Ալիևը:

Նրա խոսքով, հեշտ չի եղել՝ նույնիսկ որոշ անդամ երկրների միջև արդյունահանման որոշակի նվազեցման հասնել: «Իհարկե, եղել է շատ արդյունավետ մոնիթորինգի գործընթաց, ինչպես նաև վստահության հարցը: Ես հավատում եմ, որ այս գործընթացի բոլոր անդամները ներկայումս փորձում են կատարել պայմանավորվածությունները», - նշել է նա:

Նախագահը հավելել է, որ Ադրբեջանը ակնկալում է ուժեղացնել համագործակցությունը ՕՊԵԿ-ի հետ: «Ադրբեջանն արդեն իրեն դրսևորում է որպես ՕՊԵԿ-ի անդամ: Վստահ եմ, որ դա այդպես էլ կշարունակվի», - ասել է Ի. Ալիևը:

ARMENIA.AZ