Կոնգրեսական. ԱՄՆ-ը և Ադրբեջանը հանդիսանում են ռազմավարական դաշնակիցներ

21 Հունվարի 2020 - 11:38

ԱՄՆ-ի Կոնգրեսում Ադրբեջանի հարցերով աշխատանքային խմբի համանախագահ, Ներկայացուցիչների պալատում Թենեսի նահանգը ներկայացնող, դեմոկրատ Սթիվ Քոենը՝ Հունվարի 20-ի ողբերգության 30-ամյակի կապակցությամբ հանդես է եկել հայտարարությամբ, հայտնում է Аrmenia.Az-ը՝ հղում անելով Միացյալ Նահանգներում Ադրբեջանի դեսպանատանը:

Հայտարարությունում անդրադարձ է կատարվում Ադրբեջանի պատմության ամենաողբերգական իրադարձություններին, երբ 1990 թ. Հունվարի 20-ին Բաքու մտցված խորհրդային զորքերի անողոք գործողությունների արդյունքում սպանվել է 147 խաղաղ բնակիչ, այդ թվում կանայք և երեխաներ, 744 մարդ վիրավորվել է:

Կոնգրեսի անդամը, վկայակոչելով Human Rights Watch-ի՝ «Արյունոտ Հունվարը Ադրբեջանում» զեկույցին, ընդգծել է, որ Բաքվի վրա հարձակման ընթացքում տեղ են գտել նաև այնպիսի փաստեր, ինչպիսիք են՝ հարձակումներ բժշկական անձնակազմի, շտապօգնության մեքենաների և նույնիսկ հիվանդանոցների վրա: Զեկույցում նշվում է, որ այդ իրադարձությունները խորհրդային ռեժիմի նախազգուշացումն էր ազգային շարժման համար, ոչ միայն Ադրբեջանում, այլև մյուս խորհրդային հանրապետություններում:

Հայտարարության մեջ ընդգծվում է նաև, որ ԱՄՆ-ը առաջին երկրներից է, որը ճանաչել է Ադրբեջանի անկախությունը: Երկու երկրների միջև դիվանագիտական հարաբերություններ են հաստատվել 1992 թ. փետրվարի 28-ին:

Կոնգրեսականը նշել է, որ Միացյալ Նահանգները և Ադրբեջանը ռազմավարական դաշնակիցներ են և ունեն ընդհանուր հետաքրքրություններ՝ գլոբալ և տարածաշրջանային մակարդակներում:

ARMENIA.AZ