Ադրբեջանում հարգում են Հունվարի 20-ի ողբերգության զոհերի հիշատակը

20 Հունվարի 2020 - 10:45

Այսօր Ադրբեջանում նշվում է 1990 թ. հունվարի 20-ի ողբերգական իրադարձությունների 30-րդ տարելիցը:

Ինչպես հայտնում է Armenia.Az-ը, դրա հետ կապված՝ երկրում համազգային սգո օր է հայտարարվել:

Այդ օրը կառավարության ներկայացուցիչները, դիվանագիտական կորպուսի աշխատակիցները, շարքային քաղաքացիները այցելում են Շեհիդների ծառուղի, որտեղ հուղարկավորված են Հունվարի 20-ի ողբերգության զոհերը:

Աշխարհի ուշադրությունը Արյունոտ Հունվարի ողբերգության վրա գրավելու նպատակով, համապատասխան միջոցառումներ կանցկացվեն արտերկրում Ադրբեջանի դեսպանատների և դիվանագիտական ներկայացուցչությունների, ինչպես նաև ադրբեջանական համայնքների կողմից:

Հունվարի 20-ին ժամը 12.00-ին հանրապետության տարածքում մեկ րոպե լռությամբ կհարգվի Շեհիդների հիշատակը, նավերը, ավտոմեքենաները և գնացքները ձայնային ազդանշան կտան:

Երկրի տարածքում կիջեցվեն պետական դրոշները:

Նշենք, որ 1990 թ. հունվարի 20-ին ժամը 00:20 րոպեին, ԽՍՀՄ զորքերը՝ առանց համաձայնեցնելու Ադրբեջանի ԽՍՀ Գերագույն խորհրդի նախագահության հետ, ներխուժեցին Բաքու: Դրանով խախտվեցին ԽՍՀՄ և Ադրբեջանի ԽՍՀ-ի Սահմանադրությունները, ինչպես նաև Հանրապետության ինքնիշխանության մասին սահմանադրական օրենքը:

Խորհրդային բանակի հատուկ նշանակության ստորաբաժանումները Բաքվում դաժան հաշվեհարդար տեսան խաղաղ բնակչության նկատմամբ: Հարյուրավոր մարդիկ սպանվեցին, վիրավորվեցին և անհայտ կորան:

Իր երկրի պետական անկախության և տարածքային ամբողջականության համար պայքարի ելած խաղաղ բնակչության նկատմամբ հաշվեհարդարի արդյունքում սպանվել է 133, վիրավորվել՝ 744 մարդ, 841 հոգի ապօրինի ձերբակալվել է, ևս 5-ը անհայտ կորել է:

ARMENIA.AZ