Ադրբեջանի մամուլի խորհուրդը ուղերձ է հղել Ռուսաստանի լրագրողների միությանը

05 Դեկտեմբերի 2019 - 14:11

Ադրբեջանի մամուլի խորհուրդը՝ Ռուսաստանում ադրբեջանական հեռուստատեսության հատուկ թղթակից Զաքիր Մուսաևին՝ Կրասնոդարի մարզի Արմավիր քաղաքում իր մասնագիտական պարտավորությունների կատարման ժամանակ ճնշում գործադրելու հետ կապված՝ ուղերձ է հղել Ռուսաստանի լրագրողների միությանը։

Ինչպես փոխանցում է Armenia.Az-ը՝ վկայակոչելով մամուլի խորհրդին, ուղերձում ասվում է, որ Հայրենական Մեծ պատերազմի ժամանակ նացիստական Գերմանիայի լեգիոնի կազմում Խորհրդային Միության դեմ կռված հայ ահաբեկիչ Գարեգին Նժդեհի՝ Արմավիր քաղաքում հուշատախտակի բացումը բացասական արձագանք է առաջացրել տեղի հասարակության մոտ։ Մուսաևի կողմից նախապատրաստված ռեպորտաժը ցուցադրվել է Ադրբեջանի հեռուստատեսությամբ, որտեղ նա աշխատում է։ Բազմաթիվ բողոքների արդյունքում վերոհիշյալ հուշատախտակը ապամոնտաժվել է։ Եվ երբ Մուսաևը այդ առիթով ռեպորտաժ է պատրաստել, մոտ 50 հայեր շրջապատել են նրան, կոտրել են նկարահանող խմբի տեսախցիկը, փորձել են լրագրողից խլել նոութբուքը։ Զայրացած ամբոխը անտեսել է նույնիսկ ոստիկանության նախազգուշացումները։

Ուղերձում ասվում է նաև, որ խոսքի և կամարտահայտման ազատության ճնշման, մասնագիտական պարտականությունների կատարման ընթացքում լրագրողի նկատմամբ բռնի կերպով խոչընդոտներ ստեղծելու մասին վկայող այդ միջադեպը՝ զայրույթի զգացում և ափսոսանք է առաջացրել ադրբեջանական հասարակության շրջանում։

«Իրադարձությանն իրավական գնահատական տալն անհրաժեշտ է՝ ապագայում նման դեպքերը կանխելու համար։ Մենք վստահ ենք, որ Ռուսաստանի և աշխարհի առաջատար մամուլի կառույցներից մեկը հանդիսացող՝ Ռուսաստանի լրագրողների միությունը բոլոր ջանքերը կներդնի՝ համապատասխան իրավական միջոցներ ձեռնարկելու համար։ Դրա հետ կապված, խնդում ենք ձեզ համապատասխան օգնություն ցուցաբերել»,- ասվում է ուղերձում։

ARMENIA.AZ