Իլհամ Ալիև. «Ադրբեջանը գտնվում է տնտեսության ակտիվ վերափոխման փուլում»

02 Դեկտեմբերի 2019 - 16:39

Ադրբեջանը մտադիր է հասնել տնտեսության թվայնացմանը, հայտարարել է նախագահ Իլհամ Ալիևը:

«Ներկայումս օրակարգում դրված է տնտեսության թվայնացման հարցը:

Օրերս նախագահի աշխատակազմում տեղի ունեցած կառուցվածքային փոփոխություններից հետո ստեղծվել է նորարարությունների բաժին, որի նպատակն է համակարգել այդ ոլորտում գործունեությունը, արագացնել մասնավոր հատվածի զարգացման գործընթացը», - հայտարարել է Իլհամ Ալիևը Բաքվում CISCO ընկերության գլոբալ նորարարությունների հարցերով փոխնախագահ Գայ Դիդրիխի հետ հանդիպմանը, տեղեկացնում է երկրի ղեկավարի պաշտոնական կայքը, հաղորդում է Аrmenia.Az-ը:

Երկրի ղեկավարն ընդգծել է, որ Ադրբեջանը հաջողությամբ համագործակցում է CISCO ընկերության հետ: Նրա խոսքով, այդ ընկերությունը «շատ լավ մակարդակով» համագործակցություն է հաստատել Ադրբեջանի գործադիր իշխանության մարմինների հետ:

«Ադրբեջանի տրանսպորտի, կապի և բարձր տեխնոլոգիաների նախարարությունը ձեր ընկերության շատ լավ գործընկերն է: Մենք բազմիցս քննարկել ենք Ադրբեջանի արդիականացման և տեղեկատվական տեխնոլոգիաների ոլորտի զարգացման հետ կապված պլաններ: Ներկայումս մենք գտնվում ենք ակտով վերափոխման փուլում: Կառուցվածքային, քաղաքական, տնտեսական բարեփոխումները, թափանցիկության ամրապնդմանն ուղղված միջոցառումները երկրին մեծ օգուտ են բերում», - ասել է Իլհամ Ալիևը:

ARMENIA.AZ