Ադրբեջանի խորհրդարանն ընդունել է Իլհամ Ալիևին ուղղված ուղերձ

02 Դեկտեմբերի 2019 - 15:29

15:28:05

Միլլի Մեջլիսի այսօրվա պլենար նիստում ընդունվել է նախագահ Իլհամ Ալիևին ուղղված ուղերձ՝ խորհրդարանի ցրման և արտահերթ խորհրդարանական ընտրություններ նշանակելու վերաբերյալ:

Ինչպես տեղեկացնում է Аrmenia.Az-ը, փաստաթղթի նախագիծն ընթերցել է Միլլի Մեջլիսի փոխխոսնակ Բահար Մուրադովան:

Նախագծի օգտին քվեարկել է 99 պատգամավոր, դեմ է արտահայտվել 1 հոգի, ևս 1-ը՝ չի քվեարկել:

13:41:01

Ադրբեջանի Միլի Մեջլիսի (խորհրդարանի) նիստում՝ խորհրդարանի լուծարման մասին որոշման պատրաստման համար խմբագրական հանձնաժողով է ստեղծվել, հայտնում է Аrmenia.Az-ը:

Հանձնաժողովի կազմում ընդգրկված են՝ փոխխոսնակ Բահար Մուրադովան, իրավական քաղաքականության և պետական շինարարության հարցերով խորհրդարանական հանձնաժողովի ղեկավար Ալի Հուսեյնլին, պատգամավոր Ֆազաիլ Իբրահիմլին, միջազգային հարաբերությունների և միջխորհրդարանական կապերի խորհրդարանական հանձնաժողովի ղեկավար Սամեդ Սեյիդովը և պատգամավոր Սահիբա Գաֆարովան, լիագումար նիստում ասել է՝ Միլլի Մեջլիսի խոսնակ Օգտայ Ասադովը:

12:14:04

Ադրբեջանի խորհրդարանում ինքնալուծարման վերաբերյալ քննարկումներ են սկսվել, հայտնում է Аrmenia.Az-ը:

Հիշեցնենք, որ անցկացվել է՝ «Ենի Ազերբայջան» կուսակցության քաղխորհրդի նիստը, որի ժամանակ՝ խորհրդարանում ԵԱԿ-ից ներկայացված պատգամավորներին հանձնարարվել է հանդես գալ՝ Միլլի Մեջլիսի լուծարման վերաբերյալ նախաձեռնությամբ:

ARMENIA.AZ