Այազ Մութալիբովը կոշտ պատասխանել է Փաշինյանին

22 Նոյեմբերի 2019 - 12:38

«Այն, որ Հայաստանի վարչապետը սկսել է հաճախակի հիշեցնել իմ անունը, ինձ բոլորովին չի մտահոգում։ Սակայն Փաշինյանին խնդրում եմ այն չօգտագործել իր կեղծ քարոզչության մեջ»,- ասել է Այազ Մութալիբովը, մեկնաբանելով՝ Ադրբեջանի նախկին նախագահի կողմից՝ Խոջալուի ողբերգության մեջ իբր ադրբեջանական ընդիմանության մեղքի խոստովանության վերաբերյալ Հայաստանի ղեկավարի պնդումները, տեղեկացնում է Armenia.Az-ը՝ վկայակոչելով haqqin.az-ին։

«Երբեք նման բան չեմ ասել։ Ընդհակառակը, բազմիցս հայտարարել եմ, որ այդ ժամանակ հատկապես հայկական կողմի մեղքով տեղի ունեցած իրադարձությունները իմ ընդիմախոսների կողմից օգտագործվել են իմ դեմ»,- ընդգծիւմ է Ա. Մութալիբովը։

Իսկ Փաշինյանին նա խորհուրդ է տալիս վերջապես ուշադրություն դարձնել իր երկրի խնդիրների վրա, ձգտել հող նախապատրաստել ժողովուրդների հաշտեցման համար, այլ ոչ թե զբաղվել պոպուլիզմով։

«Թող Փաշինյանը, թեկուզ ամեն օր քնի ու արթնանա՝ շուրթերին իմ անունով, սակայն թող ասի ճշմարտությունը։ Ես ևս մեկ անգամ կրկնում եմ. Խոջալուի ողբերգությունը՝ դա Ադրբեջանի դեմ հայկական ագրեսիայի անմիջական հետևանքն է»,- հաստատում է նախկին նախագահը։

Հիշեցնենք, որ նախօրեին ադրբեջանցի տեսաբլոգեր Աթա Աբդուլլաևը այցելել է՝ Միլանի հայ համայնքի հետ Հայաստանի վարչապետ Նիկոլ Փաշինյանի հանդիպմանը։

Ադրբեջանցին Հայաստանի կառավարության ղեկավարին հարցրել է. «Ողջ աշխարհը ճանաչել է հայերի կողմից ադրբեջանցիների ցեղասպանությունը, եր՞բ կդադարեցվի դա։ Դադարեցրե՛ք այդ պատերազմը, մեզ պատերազմ պետք չէ, ազատեք մեր հողերը, որպեսզի ես տեսնեմ իմ Խոջալուն, իմ Շուշան։ Ես ուզում եմ խաղաղություն, ե՞րբ կլինի խաղաղություն»։

Ի պատասխան Նիկոլ Փաշինյանը հայտարարել է, որ Խոջալուի իրադարձություններում մեղավոր են ոչ թե հայերը, այլ այդ ժամանակվա ադրբեջանական ընդիմանությունը։ Դրանով հանդերձ, Հայաստանի կառավարության ղեկավարը նշել է, որ այդ մասին, իբր խոսել է Ադրբեջանի նախկին նախագահ Այազ Մութալիբովը։

ARMENIA.AZ