Իլհամ Ալիև. «Ադրբեջանը դարձել է միջազգաին տրանսպորտային կենտրոններից մեկը»

20 Նոյեմբերի 2019 - 11:11

Ադրբեջանը դարձել է միջազգային տրանսպորտային կենտրոններից մեկը, շահագործման է հանձնվել Բաքու-Թբիլիսի-Կարս երկաթգիծը, գործում է Հյուսիս-Հարավ տրանսպորտային միջանցքը, կտրուկ աճել են բեռնափոխադրումները, միևնույն ժամանակ երկրի ներսում նորացվում է ենթակառուցվածքը, ձեռք են բերվել Շվեցարիայի արտադրության նոր, ժամանակակից «Շտադլեր« վագոններ։

Այդ մասին, ինչպես փոխանցում է Armenia.Az-ը՝ «Ադրբեջանական երկաթուղիներ» փակ բաժնետիրական ընկերության Բաքվի օղակաձև երկաթուղու Սաբունչի-Փիրշաղի գծի վերակառուցումից հետո բացման արարողությանը մասնավորապես ասել է՝ Ադրբեջանի նախագահ Իլհամ Ալիևը։

«Այսօր մենք նշեցինք նոր երկաթգծի բացումը։ Շահագործման է հանձնվել Փիրշաղի կայարանը։ Մինչև քաղաք ճանապարհի երկայնքով բոլոր կայարանները համապատասխանում են ամենաբարձր ցուցանիշներին, դրանք կրկին անգամ այսօրվա Ադրբեջանը ներկայացնում են, որպես ուժեղ պետություն»,- ասել է պետության ղեկավարը։

Նրա խոսքով, անցկացվում է երկաթգծերի վերակառուցման մեծ աշխատանք.

«Ես արդեն հնչեցրել եմ այդ թվերը։ Համաշխարհային մակարդակով ամենահեղինակավոր կազմակերպություններից մեկը՝ Դավոսի համաշխարհային տնտեսական ֆորումը երկաթուղային գծերի որակին վերաբերվող զեկույցում նշել է, որ Ադրբեջանը երկաթգծերի արդյունավետության առումով գտնվում է 12-րդ տեղում և որակի առումով՝ 34-րդ տեղում։ Այս բոլոր հարցերը մենք լուծել ենք վերջին տարիներին։ Երկաթգծերի բարեկարգման, երկաթուղային ծառայությունների կատարելագործման ոլորտում, հատկապես այդ պաշտոնում Ջավիդ Գուրբանովի նշանակելուց հետո՝ մեծ առաջընթաց կա։ Ադրբեջանը դարձել է միջազգային տրանսպորտային կենտրոններից մեկը, շահագործման է հանձնվել Բաքու-Թբիլիսի-Կարս երկաթգիծը, գործում է Հյուսիս-Հարավ տրանսպորտային միջանցքը, կտրուկ աճել են բեռնափոխադրումները, միևնույն ժամանակ երկրի ներսում նորացվում է ենթակառուցվածքը, ձեռք են բերվել Շվեցարիայի արտադրության նոր «Շտադլեր» վագոններ։ Համարում եմ, որ այդ վագոնները՝ աշխարհում ամենագեղեցիկն ու ամենաանվտանգն են»,- նշել է նախագահ Իլհամ Ալիևը։

Նրա խոսքով, կառուցվում են երկաթուղին գծեր, կայարաններ, հաջողությամբ կառուցվում է քաղաքամերձ երկաթգիծը։

«Այսօր ես Փիրշաղիից Բաքու շատ հանգիստ եկա։ Հաջորդ տարի արդեն Սումգայիթ-Փիրշաղի երկաթգիծը կմիանա և այդպիսով կկազմավորվի օղակաձև ճանապարհը։ Հաջորդ տարվա ներդրումային ծրագրում նորից կնախատեսվեն լրացուցիչ միջոցներ, որպեսզի մենք ընդլայնենք երկաթգծերի ցանցը»,- ընդգծել է պետության ղեկավարը։

Երկաթգիծը կրկնապատկում է մեր տնտեսական հզորությունը, Ադրբեջանը վերածվում է շատ երկրների համար կարևորագույն երկաթուղային հանգույցի, միևնույն ժամանակ այն շատ մեծ նշանակություն ունի քաղաքացիների հարմարավետության համար, հավելել է նա։

«Տեսեք, թե մեր երկրի համար ինչպիսի մեծ փոփոխություններ է բերում Բաքու-Գյանջա ճեպընթաց գնացքի գործելը։ Ներկա ժամանակ աշխատանք է տարվում՝ Բաքու-Աղստաֆա ճեպընթաց երկաթգծի թողարկման ուղղությամբ։ Այս աշխատանքը առաջիկայում ևս կշարունակվի։ Նախատեսվում է մինչև Գաբալա, Շահդաղ երկաթգծի շինարարությունը։ Պլանավորված է Բաքու-Յալամա, Աստարա-Ալյաթ երկաթգծերի վերականգնումը։ Գործերը շատ են։ Երկաթուղայիններին շնորհավորում եմ կատարված աշխատանքի առթիվ։ Նոր հաջողություններ եմ մաղթում ձեզ»,- ասել է նախագահ Իլհամ Ալիևը։

ARMENIA.AZ