Ադրբեջանի նախագահը՝ Պուտինի հետ իր հարաբերությունները համարում է «մոտ և վստահելի»

18 Նոյեմբերի 2019 - 09:32

Ադրբեջանի նախագահ Իլհամ Ալիևը հայտարարել է, որ Ռուսաստանի առաջնորդ Վլադիմիր Պուտինի հետ նրան կապում են մոտ և վստահելի հարաբերությունները:

«Ես մոտ և վստահելի հարաբերություններ ունեմ Ռուսաստանի նախագահի հետ: Սա շատ կարևոր է: Մենք ճիշտ հասկանում ենք, որ փոխադարձ սերտ համագործակցությունը, ռազմավարական գործընկերությունը կարևոր են մեզ համար, մեր ժողովուրդների համար», - ուրբաթ օրը Բաքվում՝ Ռուսաստանի Դաշնության հյուսիսկովկասյան հանրապետությունների մուսուլմանական կրոնական գործիչների խմբի կազմով պատվիրակության հետ հանդիպմանը ասել է Ի.Ալիևը, տեղեկացնում է Аrmenia.Az-ը՝ հղում անելով «Ինտերֆաքս-Ազերբայջան»-ին:

Ի.Ալիևը հավելել է, որ նրա և Պուտինի միջև նաև լավ անձնական հարաբերություններ են ստեղծվել: «Նման փոխադարձ վստահելի հարաբերությունները ստեղծվել են բազմամյա համագործակցության արդյունքում: Վստահելի մակարդակը թույլ է տալիս մեզ քննարկել և լուծել ցանկացած խնդիր: Ես մեծ հարգանք եմ տածում Ռուսաստանի Դաշնության նախագահի հանդեպ», - ընդգծել է Ադրբեջանի ղեկավարը:

Նրա խոսքով, ադրբեջանա-ռուսական հարաբերությունների լավ հիմքը իր ժամանակին դրվել է Հեյդար Ալիևի կողմից:

«Դրա համար էլ ես շարունակում եմ այդ ուղին, և Ռուսաստանի Դաշնության նախագահի հետ մեր բազմաթիվ հանդիպումները հանդիսանում են՝ փոխադարձ անկեղծության ցուցիչ», - ասել է Ադրբեջանի նախագահը:

15-11-2019

Նոյեմբերի 15-ին Ադրբեջանի Հանրապետության նախագահ Իլհամ Ալիևն ընդունել է՝ Ռուսաստանի Դաշնության Հյուսիսային Կովկասի հանրապետություններից մուսուլմանական կրոնական առաջնորդների խմբից բաղկացած պատվիրակությանը:

Armenia.Az- ի փոխանցմամբ՝ այս մասին տեղեկատվություն է տարածել Ադրբեջանի նախագահի մամուլի ծառայությունը:

ARMENIA.AZ