Կովկասի մահմեդականների վարչության ղեկավար. ԱՊՀ միջկրոնական խորհուրդը բարելավում է երկրների հարաբերությունները

13 Նոյեմբերի 2019 - 18:11

ԱՊՀ երկրների միջկրոնական խորհրդի աշխատանքը դրական ազդեցություն է ունենում՝ պետությունների և նրանց առաջնորդների միջև հարաբերությունների զարգացման վրա: Այս մասին չորեքշաբթի՝ ՏԱՍՍ-ի գլխավոր տնօրենի առաջին տեղակալ Միխայիլ Գուսմանին տված հարցազրույցում հայտարարել է՝ Կովկասի մահմեդականների վարչության ղեկավար, շեյխ ուլ-իսլամ Հաջի Ալլահշուքյուր Փաշազադեն՝ հինգշաբթի Բաքվում բացվող՝ Աշխարհի կրոնական առաջնորդների երկրորդ գագաթնաժողովի նախաշեմին:

«Այսօր ես և Պատրիարք Կիրիլը հանդիսանում ենք՝ ԱՊՀ երկրների Միջտարածաշրջանային խորհրդի համանախագահներ», - ասել է շեյխ ուլ-Իսլամը: «Կարծում եմ, որ մեր համատեղ աշխատանքը, մեր կապերը տալիս են նաև քաղաքական արդյունքներ, օգնում են բարելավել միջպետական հարաբերությունները, մեր պետությունների ղեկավարների միջև հարաբերությունները»:

Կովկասի մահմեդականների վարչության ղեկավարի խոսքով, «Ռուսաստանի Ուղղափառ եկեղեցին միշտ խաղացել է պահապանի, միավորողի դեր, ներառյալ մուսուլմանների հետ հարաբերություններում: Պատրիարք Կիրիլը մեծ աշխատանք է կատարել այս հարցում. «Սրբագույն պատրիարքը հարգանքով է վերաբերվում իսլամին, քրիստոնեությանը, հուդայիզմին և մնացած բոլոր կրոններին», - ընդգծել է շեյխ ուլ-իսլամը: - Մեզ ուրախացնում է, որ կաթոլիկ և ուղղափառ եկեղեցիների միջև հարաբերությունները աստիճանաբար նորմալանում են: «Դրա մասին կարելի է դատել այն փաստով, որ Հռոմի Ֆրանցիսկոս պապը Բաքու կատարած այցի ընթացքում այցելել է Հեյդարի մզկիթ», - շարունակել է Հաջի Ալլահշուքյուր Փաշազադեն: - Նրա հետ հանդիպման ժամանակ ես տեսա, որ Սրբագոյն Պատրիարքի և Հռոմի Պապի միջև հարաբերությունները զարգանում են ճիշտ ուղղությամբ: Հռոմի պապը ցանկություն է հայտնել բարելավել այդ հարաբերությունները»:

ARMENIA.AZ