Ադրբեջանի խորհրդարանը առաջին ընթերցմամբ ընդունել է 2020 թ. պետբյուջեի նախագիծը

13 Նոյեմբերի 2019 - 15:19

Ադրբեջանի Միլլի Մեջլիսը (խորհրդարան) չորեքշաբթ օրվա նիստում՝ առաջին ընթերցմամբ ընդունել է 2020 թ. պետական բյուջեի նախագիծը, տեղեկացնում է Armenia.Az-ը՝ վկայակոչելով «Ինտերֆաքս-Ազերբայջան»-ին։

Ադրբեջանի 2020 թ. պետբյուջեի եկամուտները կանխատեսվում են 24 մլրդ 134,5 մլն մանաթի (2019 թ. ցուցանիշների համեմատ 4,2% աճ), ծախսերը՝ 26 մլրդ 913,7 մլն մանաթի (6,8% աճ) մակարդակով։ Պետբյուջեի դեֆիցիտը հաջորդ տարի կանխատեսվում է 2 մլրդ 779,2 մլն մանաթ, կամ ՀՆԱ-ի 3,3%-ի մակարդակով։

Հաջորդ տարվա պետբյուջեի ձեւավորման ժամանակ նավթի գինը նախատեսվում է հաշվարկել մեկ բարելի դիմաց 50 դոլար (2019 թ. 60 դոլար):

Եկամուտների կառուցվածքում 13 մլրդ 530 մլն մանաթը, կամ 56%-ը պլանավորվում է ապահովել նավթային հատվածից մուտքերի հաշվին, 10 մլրդ 604,5 մլն (43,9%) մանաթը՝ ոչ նավթային հատվածից։ 2019 թ. համեմատ, ոչ նավթային հատվածից բյուջե մուտքերի աճը պլանավորված է 12%։

Հարկերի նախարարության գծով մուտքերը նախատեսված են 7 մլրդ 875 մլն մանաթի (2019 թ. համեմատ 7,6% աճ), կամ բյուջետային բոլոր մուտքերի 32,6%-ը, պետական մաքսային կոմիտեյի գծով՝ 4 մլր. մանաթի (8% աճ), կամ եկամուտների 16,6%-ի չափով։

Ադրբեջանի պետահան նավթային հիմնադրամից պետական բյուջե փոխանցումները 2020 թ. նախատեսված են 11 մլրդ 350 մլն մանաթի (2019 թ. համեմատ 0,1% անկում), կամ բյուջետային բոլոր եկամուտների 47%-ի չափով։ Բացի դրանից, կանխատեսումների համաձայն՝ պետական բյուջեի եկամուտների 3,5%-ը կապահովեն բյուջետային կազմակերպությունների արտաբյուջետային եկամուտները, ևս 0,3%-ը՝ այլ եկամուտները։

Ծախսերի կառուցվածքում 10 մլրդ 373,7 մլն մանաթը (33,5% աճ) պլանավորվում է ուղել սոցիալական նպատակների վրա, ինչը կազմում է պետբյուջեի ծախսերի 38,5%-ը։

Պետական բյուջեի 2020 թ. ընթացիկ ծախսերի համար հատկացվում է 17 մլրդ 275,9 մլն մանաթ (պետական բյուջեի 64,2%-ը), կապիտալ ծախսերը՝ 7 մլրդ 809,6 մլն մանաթ (ծախսերի 29%-ը)։ Պետական պարտքի սպասարկումների ծախսերը կկազմեն 1 մլրդ 828,2 մլն մանաթ, կամ պետական բյուջեի ծախսերի 6,8%-ը)։ 2019 թ. համեմատ պետական պարտքի սպասարկման ծախսերը 21,7%-ով կկրճատվեն)։

Նախագիծը խորհրդարանում երկրորդ ընթերցմամբ կքննարկվի նոյեմբերի 22-ին։

ARMENIA.AZ