Շանհայի համալսարանի պրոֆեսոր. Ադրբեջանը կարող է 64 ժամվա ընթացքում ռազմական գործողություններ իրականացնել Ղարաբաղում

09 Նոյեմբերի 2019 - 10:53

Հայաստանում ռուսական ռազմակայանի ռազմական ներուժի վերազինման կամ, ավելի ճիշտ, ուժեղացման դեպքում, պետք է տեսնել տարածաշրջանային իրավիճակը՝ Սիրիայում տիրող իրավիճակի հետ կապված: Ընդհանուր առմամբ քանակակազմի ավելացման անհրաժեշտություն չկա, սակայն բազայի սպառազինության որակական վերազինումը ակնհայտ քայլ է Ռուսաստանի կողմից: Ռուսաստանի պաշտպանության նախարար Շոյգուն ընդհանուր առմամբ այս մասին խոսել է հոկտեմբերի վերջին Հայաստան կատարած այցի շրջանակներում: Պետք է հասկանալ, որ Մոսկվան մինչև վերջ աջակցելու է Ասադին և նրա վարչակարգին: Պուտինը իր մարկանց չի մատնում: Հետևաբար, Գյումրիում ռազմաբազայի ուժեղացումը՝ Մոսկվայի քայլը լիովին կանխատեսելի է:

Ինչպես տեղեկացնում է Аrmenia.az- ը՝ վկայակոչելով Armiya.az-ին, այս մասին ասել է ղրղզստանցի քաղաքագետ, Ժ. Բալասագընի անվան Ղրղզստանի ազգային համալսարանի պրոֆեսոր, Ղրղզական հանրապետության վաստակավոր իրավաբան, Շանհայի քաղաքական գիտությունների և իրավունքի համալսարանի պրոֆեսոր Կայրաթ Օսմոնալիևը:

Մեր զրուցակիցը բացառել է՝ Ադրբեջանի հետ պատերազմի վերսկսման դեպքում՝ Գյումրիում տեղակայված 102-րդ ռուսական ռազմաբազայի Հայաստանի կողմից օգտագործման հնարավորությունը:
Լիովին բացառված է նույնիսկ ղարաբաղյան հակամարտության հարցում՝ Հայաստանին աջակցելու առումով ռուսական զորքերի օգտագործումը, քանի որ այս դեպքում Մոսկվան հայտնվելու է զավթիչներին և ագրեսորներին աջակցելու իրավիճակում: Դա տեղի չի ունենա, Կրեմլին դա պետք չէ: Ես հայ գեներալների մտորումները՝ կապված նրա հետ, որ Մոսկվան կաջակցի Ղարաբաղի վերաբերյալ հայկական ավանտյուրային, կանվանեյի պարզապես ցնդաբանություն»:

Առավել ևս, մեր հեղինակավոր քաղաքագետ Բակըտ Բակետաևը կարծում է, որ ադրբեջանական կողմը լիարժեք միջազգային իրավունք ունի՝ զորքերով Ղարաբաղ մուտք գործելու: Ադրբեջանի շատ հզոր և ժամանակակից բանակը այդ գործողությունը կարող իրականացնել 64 ժամվա ընթացքում: Ամբողջ խնդիրը կսկսվի այս 64 ժամից հետո. ինչպես վարվել տեղական բնակչության հետ, որը, բնականաբար, կդիմադրի, կարող է գնալ սարեր», - ասել է մեր զրուցակիցը:

ARMENIA.AZ