Բաքվի մետրոյում մեկնարկել է երկհարկանի կայարանների շինարարությունը

08 Նոյեմբերի 2019 - 14:42

Բաքվի մետրոյում շուտով կհայտնվեն երկհարկանի կայարաններ։ Նման կայարաններ կան Մոսկվայում։

Այդ մասին ասել է՝ «Բաքվի մետրոպոլիտեն» ՓԲՀ-ի գլխավոր գլխավոր ինժեներ Ալիխան Օսմանովը, տեղեկացնում է Armenia.Az-ը։

Նրա խոսքով, ապագայում բոլոր գնացքափոխ կայարանները կլինեն երկհարկանի։

«Մենք կկառուցենք մի քանի գնացքափոխ կայարաններ, և դրանք բոլորը կլինեն երկու-երեք հարկանի։ «Հազի Ասլանով» կայարանում այդ նախագիծը արդեն մասնակիորեն իրագործվել է, շինարարությունը շարունակվում է։

В-3 «մանուշակագույն ճյուղ» կայարանում «կապույտ ճյուղե»-ի շինարարության, ինչպես նաև В-4 կայարանում «դեղին ճյուղ»-ի շինարարության ժամանակ նույնպես կլինեն երկու հարկեր»,- ասել է գլխավոր ինժեները։

Ա. Օսմանովը պատմել է նաև Բաքվի արվարձանների ուղղությամբ էստակադային կայարանների շինարարության հնարավորության մասին։

«Եթե պլանավորվի Սումգայիթի, Շիխովի, Ալյաթի ուղղությամբ մետրոյի շինարարությունը, ապա մենք կկառուցենք էստակադային կայարաններ- ինչպես Դուբայում։ Որովհետև այնտեղ (այդ ուղղությամբ) չկա այնպիսի լարվածություն, ինչպես Բաքվում։ Բացի դրանից մեր մետրոպոլիտենը այդքան մեծ չէ։

Պետության ղեկավարի կողմից՝ քաղաքի առկա պլանի համաձայն հաստատված Բաքվի մետրոպոլիտենի կոնցեպտուալ զարգացման սխեմայի համաձայն՝ մենք պետք է կայարանների թիվը հասցնենք մինչև 75-ի։ Արդյունքում Բաքուն կընդլայնվի։

Տվյալ պահին ընդլանվում է Փիրալլահիի, Մարդաքյանի և հարավի ուղղությամբ։ Մենք պետք է օգտվենք Մոսկվայի օրինակից։ Այնտեղ ամեն տարի կառուցում են 10-12 կայարաններ։ Նախ կառուցվում է կայարանը, այնուհետև դրա շուրջ հիմնվում են միկրոշրջաններ։

Մետրոյի մոտակայքում գտնվող բնակարանը անհամեմատ հեշտ է վաճառել։ Բայց, ցավոք, մեզ մոտ այդ մեթոդը չի գործում։ Գնում են հողակտոր և կառուցում են տուն։ Իսկ այնտեղ ոչ ջուր կա, ոչ գազ, ոչ ճանապարհ, ոչ մետրո»,- ասել է նա։

ARMENIA.AZ